Daap

营业中

休息中

最近睇完韩国Netflix嘅黑白大厨比赛，都忍唔住喺香港发掘唔同嘅美食！今日嚟到中环一间小餐厅，主打fusion菜，位置唔多，但系胜在气氛唔错～晚市呢度系做紧套餐，大厨喺你眼前准备所有嘅菜式，等你可以逐一品尝！花胶泰式酪乳红油酱呢度嘅南非花胶好有弹牙，再加埋浓郁嘅椰奶同自家辣油，令到汁唔会太闷，好香好浓郁。系完全未试过嘅配搭，第一味就令你胃口大开！烤栗子汤羊肚菌接住落嚟就系汤，里面仲有烤过嘅羊肚菌，一啖饮落去香气四溢，同栗子汤完美搭配。汤仲配埋自家酸种面包，味道浓郁印象深刻～腊肠卡邦尼手工意粉有别于平时嘅烟肉，佢用咗腊肠嘅咸香味好重，仲中所以我觉得好夹。面上放咗个流心蛋，而且手工意粉啖劲弹牙，加上满满嘅汁料。再加上烧过意粉面，味道更加香！西班牙红虾烧卖用咗西班牙嘅红虾，蒸完之后淋上红虾头嘅酱汁，要一口啖落去，肉汁好多好正。菠萝包雪糕最后甜品系菠萝包雪糕，雪糕系茶嘅味道，已经好浓郁。再加上热辣辣汗好嘅菠萝包，根本系一个唔会输嘅配搭，食完大满足～