一緒一番酒場

营业中

休息中

一绪一番酒场🌟刺身四点：中拖罗、帆立贝丶𫚕鱼丶左口鱼🌟海胆吞拿鱼蓉鱼籽寿司🌟海胆厚烧牛肉多士🌟自家制芝麻雪糕想食日本嘢，但系又冇乜特别嘅Preference，所以去咗食Omakase等师傅发办。首先有四点刺身，𫚕鱼鱼味浓郁，中拖罗油脂香十足，而帆立贝同左口鱼好新鲜。成道刺身starter 用嚟开胃啱啱好。海胆吞拿鱼蓉鱼子寿司超级大份，想一啖食一件真系完全做唔到。见到师傅大大羹大大羹毕d 吞拿鱼蓉去整寿司，所以成个寿司食落都劲有满足感。跟住系海胆厚烧牛肉多士，成件多士个presentation都好靓，而且海胆份量好多，配埋烤到三成熟嘅烧牛肉，真系好好食呀。最后系自家制芝麻雪糕，芝麻味好浓郁，雪糕口感食耐有少少似gelato咁，几得意。