粗菜館

营业中

休息中

因为屯马线开通，我妈妈想试坐，所以同佢去一次九龙城，本身谂住食泰国菜，但行行吓经过粗菜馆，妈妈话之前食过好食，我又未试过就入咗去试吓。因为系下午，客人冇乜，店员有主动开门问我地几位。环境好似D旧式餐馆咁，地方都算干净，我地都睇餐牌，只系睇墙上面嘅餐髀已经叫咗两个𩠌同埋一个白粥。我地叫左一个山楂糖醋骨同埋姜葱鱼腩。山楂糖醋骨真系好好味，甜酸味啱啱好而个姜蒽鱼腩都好香口，我同妈妈连D姜葱蒜头都食哂，唯一系个粥，好似食紧BB粥仔咁。仲有个洗手间要行上楼上，仲要条楼梯好斜，如果系老人家或小朋友要小心啲。