Shining Bar & Restaurant (已結業)

经朋友介绍铜锣湾有一间楼上酒吧好特别，系因为佢哋食嘅系中菜，但又有酒吧嘅气氛，都真系几惊喜。餐厅入边嘅位置好阔落，佢哋仲会有桌球、beer pong同埋卡拉OK提供，间唔时仲会有live Band添，好适合小情侣，同埋一大班朋友黎玩。🎈 酒香威士忌鹅肝 $188上碟之前，店员会用水烟吹个大泡泡放喺威士忌杯，然之后再将走淋上鹅肝上面。鹅肝肉质厚身，口感软腍，味道同威士忌好夹，夹埋爽脆嘅青瓜一齐食，食落去好有层次又有酒香，必点！！🎈 金沙椒盐新鲜白饭鱼 $138配有两款调味粉，孜然粉同烧烤味粉，佢哋都会附上两个shake shake袋，调味粉加埋大大条嘅白饭鱼，真系好滋味！🎈沙嗲金菇粉丝牛魔王煲 $128沙嗲酱够哂香浓美味，牛既肉质也不错，粉丝份量十足，送饭一流！🎈 九龙酱园面酱炒什菜 $88面酱香味浓郁，而什菜亦十分新鲜，炒得好香。🎈Berries Party $88🎈Hea Ha $88两杯都系不含酒精饮品，个人较中意Hea ha ，味道主要系柠檬汁同菠萝汁嘅结合，饮落去酸酸甜甜好开胃。