Shining Bar & Restaurant (已結業)

今晚去咗一个好玩有趣的地方，铜锣湾嘅Shining Bar & Restaurant 系一间中菜酒吧，一般酒吧餐厅都系食西菜，啱胃口又有创意，里面仲有啤酒乒乓等酒吧游戏枱任用。中式菜式与酒吧的配合有咩食呢？餐牌都好丰厚，海鲜都有，我哋谂住饮 mocktail，所以点咗呢啲菜。先讲饮品，第一杯 Berries Party，成份有杂莓糖浆、新鲜青柠及梳打水。另一杯 Hea Ha，是椰子糖浆、新鲜青柠汁及新鲜菠萝汁混合。两杯都非常清甜可口。心水推荐必吃呢款「酒香威士忌鹅肝」，出场又有睇头，烟熏吹气波波，爆咗烟熏涌出，下面杯是威士忌，便充满烟熏味，然后倒落鹅肝上面吃，鹅肝配威士忌，入口充满烟熏香，舌头有辣辣地嘅酒味，加埋青瓜一齐食，极爽！真系超正。「金莎椒盐白饭鱼」好食又好玩，用而家好流行嘅 shake shake，自己混合烧烤粉或土匪粉调味，很惹味，食到不能停口。「沙拉骨」大大件，肉质很肥美，很嫩一啲都唔韧。「生啫马拉盏通菜」脆嫩。加两碗白饭两个人啱啱好。值得一提呢度有两间私人房，星期一至四最低消费分别只系$2800或$4800，可以容10至12人，相当抵玩。