彩晶軒 (已結業)

旧同事聚旧日,太耐无见,一班女士们决定食豪佢,就大家地方去左呢间酒楼到食,近工业区就真系几方便大家,好耐冇去过酒楼食小菜了,仲要系豪野,6个人叫左好多个特别的小菜,有几款卖相好靓又几好味!龙虾汤瑶柱海皇羹-龙虾汤多数都用系西餐上,而喱个就中西式混合,用上了龙虾汤的瑶柱海皇羹,够创新的配搭,既有龙虾汤味道又不失瑶柱海皇羹本身的鲜味,感觉新鲜,质感唔会太杰太稀合求好处,同好足料,特别系多瑶柱,好满足!千岛香芒贵妃虾球-卖相好精致,中间用芋片整成玫瑰花蛮抢眼,炸虾球面层有名贵鱼子,入口外皮脆,芒果味感觉清新,内里鲜虾爽口,伴上千岛酱酸酸甜甜几开胃,色香味俱全。半肥瘦叉烧-听闻系呢间酒楼的招牌之一,叉烧的确周围都食到,但系要系好食既都真系冇乜边间...而呢到竟然有,单看卖相都几吸食了,好多蜜汁,好惹味,叉烧入口松化,肉质嫩,加上有少少肥膏,味道更甘香可口好味呀!好丰富既一餐,饭后去左APM行下,好方便呀只系隔离,下次聚会再来食先!