影片
更多
2009-07-06
5 浏览
一行四人，响望哂成条赤柱大街嘅十几间餐厅后，结果拣咗呢间，因为佢门面比较光晚，而又咁啱有位。其他食客差唔多清一色系洋人，不过我哋都系响外国番黎，唔会输蚀！问题系其中一个男待应，睇落似东南亚人，同佢落单，中文唔识听，英文都听得好吃力（chocolate 听错 strawberry），点睇佢都唔适宜做一间大部份客人都系洋人嘅餐厅嘅待应。首先我叫咗个 Ben & Jerry's 嘅朱古力奶昔，一个朋友叫云呢拿，另外两个叫龙虾汤。佢哋话个汤好香好浓，而我个奶昔就一般。跟住上前菜，系一个亚洲拼盘。有一串鸡沙嗲、一只虾春卷、一只印度 samosa、一件三文鱼刺身。跟住有一块生菜载住嘅牛肉丝沙律，好似生菜包同 fajita （需然系墨西哥嘢黎）嘅混种。仲有一个用紫色生菜载住嘅粉丝沙律，辣得好好味，好似系落咗泰式辣椒同鱼露嘅中越泰混合菜式。我哋又叫咗一盘青口，睇落有成卅只咁多，浸响半盘好重蕃茄味，类似意大利菜汤嘅汁里面。主菜就有三道。最最好食嘅系泰式绿架喱鸭肉。架喱鸭已经唔常有，里面落嘅香料亦唔似平常绿架喱，又有一种咬落似节瓜，但系系一粒粒嘅瓜类物体。非常之香椰子味，辣得啱啱好。肉又多，但系冇肉净系捞
问题系其中一个男待应，睇落似东南亚人，同佢落单，中文唔识听，英文都听得好吃力（chocolate 听错 strawberry），点睇佢都唔适宜做一间大部份客人都系洋人嘅餐厅嘅待应。
首先我叫咗个 Ben & Jerry's 嘅朱古力奶昔，一个朋友叫云呢拿，另外两个叫龙虾汤。佢哋话个汤好香好浓，而我个奶昔就一般。
跟住上前菜，系一个亚洲拼盘。有一串鸡沙嗲、一只虾春卷、一只印度 samosa、一件三文鱼刺身。跟住有一块生菜载住嘅牛肉丝沙律，好似生菜包同 fajita （需然系墨西哥嘢黎）嘅混种。仲有一个用紫色生菜载住嘅粉丝沙律，辣得好好味，好似系落咗泰式辣椒同鱼露嘅中越泰混合菜式。
我哋又叫咗一盘青口，睇落有成卅只咁多，浸响半盘好重蕃茄味，类似意大利菜汤嘅汁里面。
主菜就有三道。最最好食嘅系泰式绿架喱鸭肉。架喱鸭已经唔常有，里面落嘅香料亦唔似平常绿架喱，又有一种咬落似节瓜，但系系一粒粒嘅瓜类物体。非常之香椰子味，辣得啱啱好。肉又多，但系冇肉净系捞汁都好正！
跟住有个意大利阔条面。呢个其实一般，我嫌个面煮得太软，不过我相信有人会钟意。料就有落足，不过四个人分就两三啖食哂。旁边跟埋一堆田园沙律，我哋冇人识得欣赏树叶同草，不过好多外国人钟意，系贵过凯撒沙律嘅嘢黎。
最后有个好咸嘅印尼炒饭。个饭身好深啡色，应该系鼓油太多。料好似好多，但系啲味俾咸味冚哂。而块虾片就系林哂嘅…几唔掂下。
呢间餐厅有一架投影电视同一架细啲嘅电视。𠮶晚啱啱有一班大约廿个澳洲人响度睇榄球比赛直播，旁边就播温布顿女单决赛，都叫做好好嘅聚会地方。
总括黎讲，呢间餐厅嘅菜色好独特，相信唔会太多地方揾得到。虽然个炒饭真系强差人意，但系个架喱就真系顶呱呱。佢个餐牌有好多选择，唔叫印尼炒饭就一定有其他好食嘅嘢。附近其他所谓餐厅其实好多都系酒吧，系呢间睇落似样啲，唔会嘈到倾唔到偈。
张贴