糖品

营业中

休息中

上次嚟筲箕湾买鸡蛋仔食，见过呢间糖水舖，但价钱偏贵，就无试到。点知今日同朋友食完饭话直落食埋糖水，就带咗我嚟呢间食。呢间舖唔大，唔够二十个堂食位，所以都等咗阵。一行四人就叫多啲share 试吓。朋友极力推介榴连沙冰，食落真系好正，连唔太爱好榴连嘅我都觉得好好味，猫山王榴连茸好香味道好浓，配埋榴连沙冰同芋圆食，成个配搭好match。另外红枣豆腐花都好有惊喜，红枣汁好浓，豆腐花亦系老板自己整，所以好新鲜，豆味重，又唔会太甜，谂唔到一个听落普通嘅甜品可以咁好食。本身对椰皇芝麻汤丸都无乜期望，点知佢嘅汤底系似100%纯椰皇水🤣超清甜～汤丸就正正常常，椰皇炖奶都唔算好突出，因为汤丸汤底太出色。仲有叫咗芒果肠粉，baileys梳乎厘，质素都唔差，但比起其他甜品就失色啲。因为得老板一个人整，仲要都系新鲜制作，所以要预返啲时间等。价钱会偏贵，但份量够足，人多嚟可以咩都叫吓share嚟食👍🏻#shaukeiwan #tungtaistreet #desserts #latenightfood