影片
更多
2015-12-03
764 浏览
放工后上堂前黎到 LM Cafe, 系骏业街球场对面既商厦地面开店，唔系女朋友同事介绍都未必识去。听闻呢位朋友要求都几高，所以介绍得都应该唔会死错人。一入到去真系吓一跳，第一系夜晚观塘食肆少人到惊，第二系觉得又装修得几靓。睇 menu 原来系龙门冰室，有茶餐厅野食又有西餐。我自己就咁理解，觉得坐窗边卡位似系茶餐厅 feel, 中间地方食西餐，coffee corner 食甜品 餐厅中间有几张高台，设计特别，好似将餐厅两边隔开，倾计私隐度又高啲，又突显玩味。茶餐厅 menu 睇落几平，攞定张外卖纸迟啲叫。今日要食好西，应该系话好食既西餐，所以我叫左香蒜牛油带子意粉，几十蚊有埋沙律、汤同饮品都几抵，特别系杯野饮单叫都成三十蚊。红汤唔系茶餐厅应酬质素，茄膏味浓，杂菜亦融入汤中。沙律黑醋好食、蕃茄仔多汁唔酸，同时加上柠檬汁吊起鲜味，令我第一次闻到沙律觉得吸引。意粉一上台我见到啲蒜黑黑地，谂紧死火喇，一定影响晒碟粉既味道，点知完全唔系我所谂既咁样！香味四散但开头谂唔到系咩味，食落就有蒜香同一股少少咸既味道，望望餐牌醒起系牛油，但呢只牛油香有啲难 identify。带子切成细粒，熟成度刚好，口感嫩
一入到去真系吓一跳，第一系夜晚观塘食肆少人到惊，第二系觉得又装修得几靓。
睇 menu 原来系龙门冰室，有茶餐厅野食又有西餐。我自己就咁理解，觉得坐窗边卡位似系茶餐厅 feel, 中间地方食西餐，coffee corner 食甜品
餐厅中间有几张高台，设计特别，好似将餐厅两边隔开，倾计私隐度又高啲，又突显玩味。
茶餐厅 menu 睇落几平，攞定张外卖纸迟啲叫。
今日要食好西，应该系话好食既西餐，所以我叫左香蒜牛油带子意粉，几十蚊有埋沙律、汤同饮品都几抵，特别系杯野饮单叫都成三十蚊。
红汤唔系茶餐厅应酬质素，茄膏味浓，杂菜亦融入汤中。沙律黑醋好食、蕃茄仔多汁唔酸，同时加上柠檬汁吊起鲜味，令我第一次闻到沙律觉得吸引。
意粉一上台我见到啲蒜黑黑地，谂紧死火喇，一定影响晒碟粉既味道，点知完全唔系我所谂既咁样！
香味四散但开头谂唔到系咩味，食落就有蒜香同一股少少咸既味道，望望餐牌醒起系牛油，但呢只牛油香有啲难 identify。
带子切成细粒，熟成度刚好，口感嫩滑。整体唔会过油，而且融入中式味道，即系有镬气，令香气加倍！意粉亦煮得刚好，保持咬口。
女朋友既意粉唔止面头有黑松露，底都有。
Signature Chocolate 话系用巴西货。口味唔重甜而偏重可可原身味道，味浓而不涩，面头反而洒上可可粉重新带出涩味，双重感受。平时饮完 chocolate 好颈渴，但呢个唔会。
甜品 share 左个窝夫，开头女朋友话要芝士味我觉得怪怪地，食完发现左新大陆。
芝士咸味混和甜味出奇地平衡。绿茶雪糕一食就知系 Hxxxx Dxxx。
店员话咖啡好饮，咖啡豆来自埃塞俄比亚，可惜我唔饮又无咩研究，但可以俾相大家睇。
平靓正作总结，唔知晏昼咩境况，但绝对值得再食。随住东九龙发展，希望有更多好餐厅出现！
张贴
