EXP

营业中

休息中

虽然呢间餐厅喺又一城已经屹立咗好耐，而我都几常去又一城，但其实我去呢间餐厅嘅次数唔过三次，适逢最近有朋友聚会，而朋友就选择咗呢间餐厅。装修过后个餐牌好似比以前少咗选择，而服务态度都系一贯地麻麻哋，不过坦白讲以佢咁嘅价钱我都冇乜要求。我哋三个人叫咗五样嘢，包括两款前菜(墨鱼沙律同埋沙嗲鸡串)、泰式蟹肉薄饼、三文鱼子明太子忌廉意粉同埋韩式海鲜石锅薯粉。其实除咗个三文鱼子明太子意粉我觉得因为太多cream而难食以外，其他四道菜其实以更平嘅价钱嚟讲水准算系几好，我个人最推荐就系个泰式蟹肉薄饼，因为个口味都几清新同独特。三个人都只系食咗六百几蚊，都算系物有所值。