爐炭燒

营业中

休息中

去到海洋公园揾嘢食真系要花功夫，尤其带住小朋友，所以12:30就嗱嗱临去咗呢间餐厅攞飞等位。好在早少少去等位，虽然冇book枱，但等咗15分钟左右就可以入去啦。丽都海洋公园食嘢都系次要，所以好简单食一个午餐套餐，在叫一个金边粉，就继续今日嘅行程。泰式青木瓜沙律味道有点奇怪，可能食唔惯，如果加啲西柚味酸酸地就会好啲。香茅番茄汤正正常常嘅蕃茄汤，够热，酸酸地好醒胃。红咖喱烩鸭配白饭，辣辣地好香，虽然啲鸭唔多，但好惹味，好正。香茅椰汁鸡汤金边粉好香香茅味，椰汁都好香，金边粉又好弹牙，不过鸡丝就少啲。最开心系服务态度，中午时分等位日晒雨淋好辛苦，但系服务员态度好好，叫我哋download个app唔使喺门口等，可以行住纪念品店留意app嘅提示，到就会提示我哋返去。