南豐餐廳

营业中

休息中

第一次嚟南山邨，谂住揾吓隐世餐馆，行过见门外有餐牌写住港式铁板餐，睇落似老店，几吸引㖞!黄昏六点松啲，入面都有几枱食客，就入咗试吓啦!左右两边都系卡位，中间都有放枱。卡位仍未满，便随意坐下。见晚餐有汤及包，头盘"鸡亦鸭胸"，蒜茸牛扒意粉/饭都系$54，好经济咁，就好期待咁叫咗，见有柠乐饮，又叫埋，期间侍应好细心提示要加$7。等待期间发现门口附近有电视睇，暗地加分!登登登凳，先嚟原罐可乐同柠冰杯分开上，牛油方包，之后汤，鸡亦鸭胸，最后牛扒意。一见汤就怪怪咁，点解红汤咁嘅(橙)色？味道并不是预期(creamy又带甜嘅?!)，同期望嘅红汤有大出入，但蔬菜系丰富嘅。鸡亦同鸭胸太油，只食了鸭胸。牛扒意嚟埋，卖相完全失望，点解个汁同汤嘅色咁似嘅？意粉明显太'林'。食落口-意粉坚系'林'(大概煮耐咗)，汁同汤不但色似，味道都相近，牛扒够'林'，易切，要赞吓蒜香够浓。用餐时见到客人多数食中式，我估谜底解开了。亦留意到侍应态度好好，可能街坊客多，见她们同客人都有倾计。而牛扒意传来时都有问要唔要刀，够细心(因为薄身同'林'，其实用叉匙都可以切开)。