瀛豐放題料理專門店 (已搬遷) 新店位置

妈咪想食日本菜，爹D想食泰国菜，🤔咁都俾我念到食中，日，泰放题✌🏻瀛丰有百多款多国美食，追加$138/位，仲可以无限食法国即开生蚝及珍宝带子海胆刺身，而且仲有生啤放题🍻。超豪华刺身船真系好Ig-able，霸气十足。甲壳类刺身有马刀贝，北海道角螺，赤贝，冰山蚌，鲍片。其他海鲜刺身有珍宝赤虾，八爪鱼，三文鱼，油甘鱼，希灵鱼，酱油吞拿鱼。份量十足之余，刺身厚切，贝壳类新鲜，仲有珍宝赤虾劲大只，虾肉弹牙又鲜甜。Upgrade左任食生蚝🦪及带子海胆刺身。生蚝唔系劲海水味，反而清清的，肉质creamy但咬口清爽，唔系太重金属，海水味，系女仔钟意嘅口味。带子加甜甜嘅海胆，一啖入口劲满足。泰式烧羊腩，冬阴功虾汤，泰式烧带子，泰式辣酱炒蚬全部都好有水准，特别系炒蚬，冇沙又辣酱劲惹味。和味一口牛，串烧鸡，串烧鸡肾，烧菠萝🍍，每样都送酒一流。甜品雪糕: 甜品系自家整甜品，不过不失。雪柜有我劲钟意嘅Melona。