影片
更多
2021-02-22
76 浏览
餐厅位于POPCORN 2楼，去食嘅当日系星期三1点钟，隔离啲餐厅都无咩人，加上疫情关系，其中一间酒楼直情无开，但反而呢间餐厅入面都几多客人，所以就决定试试，店员话烧肉放题可以食到3点。店员安排我地坐系卡位，对正餐厅嘅"SEAFOOD STATION"，本身应该系会提供刺身，但因为疫情关系，所以暂时停止供应，真系可惜。同依家其他食放题嘅餐厅一样，已经唔再系用纸仔叫野食，都转左扫QR CODE落单，我地一黎即刻叫左啲蚝同扇贝，本身谂住放题嘅海鲜应该都无咩好期待，但见佢种类多所以就求其叫左蚝，扇贝，虾，带子同鱿鱼。但黎到真系有惊喜，特别系蚝同扇贝，睇落大只同新鲜，食落都非常鲜甜，食完都拿拿林再加单。虾同鱿鱼都OK，正常发挥，但最紧要都系新鲜，呢样真系加唔少分，所以好快就清晒所有嗌左嘅海鲜。黎食烧肉放题重头戏都系要试佢啲烧肉啦，手机落单时候睇到有好多唔同种类部位嘅肉，牛肉，鸡肉，羊肉同猪肉都齐，但因为我个人唔食羊，所以主要都系食其他。净讲牛肉，都己经分牛柳粒，牛小排，牛五花等等。我个人就最钟意佢嘅牛柳粒，食落松软得黎又带有油香，忍唔住烧完又烧。整体黎讲，啲肉类质素好好，可以照顾晒所有钟意边种
店员安排我地坐系卡位，对正餐厅嘅"SEAFOOD STATION"，本身应该系会提供刺身，但因为疫情关系，所以暂时停止供应，真系可惜。
同依家其他食放题嘅餐厅一样，已经唔再系用纸仔叫野食，都转左扫QR CODE落单，我地一黎即刻叫左啲蚝同扇贝，本身谂住放题嘅海鲜应该都无咩好期待，但见佢种类多所以就求其叫左蚝，扇贝，虾，带子同鱿鱼。但黎到真系有惊喜，特别系蚝同扇贝，睇落大只同新鲜，食落都非常鲜甜，食完都拿拿林再加单。
虾同鱿鱼都OK，正常发挥，但最紧要都系新鲜，呢样真系加唔少分，所以好快就清晒所有嗌左嘅海鲜。
黎食烧肉放题重头戏都系要试佢啲烧肉啦，手机落单时候睇到有好多唔同种类部位嘅肉，牛肉，鸡肉，羊肉同猪肉都齐，但因为我个人唔食羊，所以主要都系食其他。净讲牛肉，都己经分牛柳粒，牛小排，牛五花等等。我个人就最钟意佢嘅牛柳粒，食落松软得黎又带有油香，忍唔住烧完又烧。整体黎讲，啲肉类质素好好，可以照顾晒所有钟意边种肉嘅朋友。
食烧肉食到7788，见佢MENU原来仲有好多熟食可以拣，例如鸡翼，炸鸡，饺子等等⋯⋯如果一入黎好饿想拿拿林叫啲野止饿嘅话就啱晒，而且佢野食黎嘅速度非常之快，我地叫嘅炸物五分钟左右就到，仲系热辣辣！见隔离枱叫左呢款饺子，个样好吸引，所以都叫返碟。虽然果时已经饱饱地，但食落外脆内软，应都无油淋淋嘅感觉，唔系求其炸一炸交货就算，非常之好食。
特登留返个肚食甜品，见佢出面原先有自助区应该本身系可以比客人自己攞啲CAKE黎做甜品，但疫情关系自助区无开，咁唯有去雪柜攞啲野食。雪柜总共有五款口味雪糕可以拣，基本上都系大围食开果啲，我个人觉得款式都够嘅，咁当然都期待下次可以试下自助区嘅甜品。食埋甜品就埋单，每位$178，性价比非常之高，海鲜同肉嘅款式质素都比到我好大嘅惊喜， 虽然疫情关系令唔少食物都无提供，但选择仍然非常多。另外，值得一赞就系店员有礼貌而且野食黎得非常之快，值得加分，期待疫情完结之后再黎食多次！
张贴
