影片
更多
2008-09-02
85 浏览
早几日一早知道会黎呢度游街, 既然系咁所以师傅一早就谂定喺呢度有咩好食, 上黎呢度参考左一阵, 最后决定打电话黎呢度留张枱, 皆因见口碑几好, 加上又未黎过, 所以决定一试!准时去到, 唔使等就有位(皆因留座前侍应讲明有可能要等一阵), 非常好; 一坐底师傅即刻睇下有咩好食先, 一打开个餐牌, 睇左一阵, 师傅觉得样样都好似几好味㖞, 都唔知点样落单好, 最后谂左一阵就决定柯打野食, 食番餐劲丰富嘅晚餐!两个人柯打左四𩠌一汤, 师傅都觉得有少少过份; 好, 先讲下点左d咩食先, 有两份花旗参炖响螺汤, 两份太雕玻璃虾球, 脆脆BB 猪, 脆炸牛坑腩同埋咕噜肉! 等左一阵就有两个茶壶放左喺面前, 师傅以为系茶, 于是就倒左落只杯仔度, 当饮入口时发觉点解冇茶味? 再试真d发现原来系花旗参炖响螺汤, 味道非常清甜, 花旗参味道唔会过浓, 又冇味精, 而响螺煲得非常腍, 真系几好味, 咁样饮汤都系师傅第一次, 绝对系令人非常开心, 加分!接住落黎下个太雕玻璃虾球, 太雕玻璃虾球底下全部系蒸蛋, 蛋蒸得好滑, 仲有少少花雕, 所以都几香醇, 净系个蒸蛋都已经值回票价, 再试下个虾球, 虾都几
准时去到, 唔使等就有位(皆因留座前侍应讲明有可能要等一阵), 非常好; 一坐底师傅即刻睇下有咩好食先, 一打开个餐牌, 睇左一阵, 师傅觉得样样都好似几好味㖞, 都唔知点样落单好, 最后谂左一阵就决定柯打野食, 食番餐劲丰富嘅晚餐!
两个人柯打左四𩠌一汤, 师傅都觉得有少少过份; 好, 先讲下点左d咩食先, 有两份花旗参炖响螺汤, 两份太雕玻璃虾球, 脆脆BB 猪, 脆炸牛坑腩同埋咕噜肉! 等左一阵就有两个茶壶放左喺面前, 师傅以为系茶, 于是就倒左落只杯仔度, 当饮入口时发觉点解冇茶味? 再试真d发现原来系花旗参炖响螺汤, 味道非常清甜, 花旗参味道唔会过浓, 又冇味精, 而响螺煲得非常腍, 真系几好味, 咁样饮汤都系师傅第一次, 绝对系令人非常开心, 加分!
接住落黎下个太雕玻璃虾球, 太雕玻璃虾球底下全部系蒸蛋, 蛋蒸得好滑, 仲有少少花雕, 所以都几香醇, 净系个蒸蛋都已经值回票价, 再试下个虾球, 虾都几大只, 肉质爽口, 加上唔腥, 咬口一流, 唔错; 脆脆BB 猪其实即食乳猪件, 烧得几香脆, 而肉地唔算好肥, 入口又唔会成口油, 一碟四件, 份量不多不少, 啱啱好, 正呀; 脆炸牛坑腩就系将d牛坑腩攞去炸, 牛坑腩非常松身, 入唔脆而不油, 师傅都系第一次食炸牛坑腩, 唔错㖞; 而咕噜肉酸酸甜甜劲开胃, 加上咕噜肉冇骨, 脆脆地但唔油腻, 好掂呀!
总括黎讲食物质素颇佳, 环境都几舒服, 服务都殷勤有礼, 系伙计比较少, 人手不足咁啦, 而价钱唔算平架, 两个人埋单四百几, 不过有咁嘅水准, 师傅觉得物有所值; 师傅食左呢餐丰富晚餐后, 非常满足, 所以有机会一定会再黎, 而笑脸真系走唔甩!
张贴
