影片
更多
2023-08-23
6479 浏览
「家嫂」最出名就梗系佢架刺身船，我地成班同事今晚一行12人就去咗佐敦家嫂一家大小打边炉，一去到店员先先上小食，之后就食刺身船，再食追加嘅象拔蚌刺身，跟住就鸡煲，打边炉汤底我地拣咗冬瓜盅，汤底鲜甜，我地个个都饮咗碗汤先开始打边炉，火锅海鲜仲要系无限refill，白酒红酒sake都系任饮，虽然比之前加咗价，不过以佢嘅质素都系抵食嘅😌小食虾多士、螺肉、牛肚、花甲、炸茄子、红糖糍粑所有小食都可以无限追加，虾多士炸得金黄酥脆，上面加上沙律酱同黑松露更加能突显佢嘅香味。螺肉系最受欢迎，encore咗三次😂QQ弹弹嘅螺肉沙律菜加上芝麻酱，真系令人食唔停口，个人觉得炸茄子最好食，外面香脆内里软稔，再加上芝麻酱，芝麻酱配搭任何香口嘅食物都系冇得输🤭刺身船成张枱咁大嘅刺身船，有鲍鱼、海胆、三文鱼、冻蟹、北寄贝、带子等等，全部都好新鲜，最适合用黎打卡😆象拔蚌刺身只需$268/条，冰、爽、脆、新鲜，虽然唔算得上好大条，我地12人食每人都食到几片，早知就加多条😆鸡煲我觉得鸡煲就真系麻麻地，啲酱汁一啲都唔够味，鸡又唔入味，开头以为系因为点咗小辣嘅原故，之后加鸡就加咗中辣，一样冇分别，鸡煲可以skip唔食，留返个肚
小食
虾多士、螺肉、牛肚、花甲、炸茄子、红糖糍粑
所有小食都可以无限追加，虾多士炸得金黄酥脆，上面加上沙律酱同黑松露更加能突显佢嘅香味。螺肉系最受欢迎，encore咗三次😂QQ弹弹嘅螺肉沙律菜加上芝麻酱，真系令人食唔停口，个人觉得炸茄子最好食，外面香脆内里软稔，再加上芝麻酱，芝麻酱配搭任何香口嘅食物都系冇得输🤭
刺身船
成张枱咁大嘅刺身船，有鲍鱼、海胆、三文鱼、冻蟹、北寄贝、带子等等，全部都好新鲜，最适合用黎打卡😆
象拔蚌刺身
只需$268/条，冰、爽、脆、新鲜，虽然唔算得上好大条，我地12人食每人都食到几片，早知就加多条😆
鸡煲
我觉得鸡煲就真系麻麻地，啲酱汁一啲都唔够味，鸡又唔入味，开头以为系因为点咗小辣嘅原故，之后加鸡就加咗中辣，一样冇分别，鸡煲可以skip唔食，留返个肚因为之后嘅海鲜全部都好正😋
火锅
店员会上一大盘海鲜、牛肉、猪肉、手打丸、水饺、腐竹、蔬菜篮，以任食黎讲牛肉质素算不错，有牛味多肉汁。
啲海鲜真系超级新鲜，鲍鱼、蛏子、蟹、花甲、鱿鱼、鳝、生蚝、贵妃蚌、珊瑚蚌，全部都可以无限追加，鲍鱼上枱时仲识郁架，最好食嘅系蟹同贵妃蚌，蟹肉味道鲜甜仲带有蟹膏，贵妃蚌大大只，冇沙，最后饮返碗汤，啲汤先系精华，劲鲜甜，再渌个乌冬，好满足嘅一餐👍🏻
📍家嫂一家大小 (佐敦)
佐敦弥敦道223号盛乐中心M楼
人均消费：$400-500
食物：⭐️⭐️⭐️⭐️⭐️
环境：⭐️⭐️⭐️⭐️
回头率：⭐️⭐️⭐️⭐⭐
张贴
