銀座神樂屋 (已結業)

湾仔区日本餐厅选择真系唔多，一系就要行到去合和𠮶边⋯谂起好耐无嚟华美粤海酒店入面间日本餐厅，就立即打去book位。呢间银座乐神屋set lunch选择真系好多，价钱由大约$100-$150都有，set lunch已包餐茶同甜品。我自己就order咗牛肉乌冬寿司拼盘定食($110)。一嚟到，真系哗哗声，份量大到，女仔一定食唔晒！乌冬面质软滑烟靭弹牙，配以酱油汤底，唔错，不过牛肉就煮得过熟，而失去口感⋯而寿司用料新鲜，尚算唔错，但寿司饭略嫌扼得过实⋯最后套餐配以牛乳雪糕同餐茶⋯牛乳雪糕，奶香浓郁，甜而不不腻，好味⋯配上香浓咖啡，令呢餐lunch添上满足感⋯坦白讲，呢度嘅set lunch，无轮以食物、环境同份量嚟讲，价钱唔算贵⋯不过呢度人手真系不够，建议大家真系要俾俾耐性。