龍津串燒

营业中

休息中

深水埗都有几多串烧档，但呢间坐得系最舒服，冷气位有7、8张台，室外位置都好宽阔，唔似其他舖咁差两步就系车路。至于食物方面都有惊喜，d蚝肥嘟嘟好鲜好甜，咁大只之前系$100/3只，而家做埋优惠$20一只，劲抵食之余烧蚝方式都有两款，一款系蒜蓉烧，蒜蓉味够香而不过咸，另一款叫泰式汁，呢个简直食上瘾，个汁香、辣、咸、酸、甜恰到好处，同个女仔倾偈得知真系泰国人主理，无谂到呢间舖咁中式都会专登揾个泰国人专门做呢个泰式汁。要俾十只手指公佢。我哋仲食左：烧鳝：鳝本身好弹牙，加埋蜜汁包住鳝食落够juicy。粟米粒串：香甜，女仔最钟意，因为食落方便，唔会好轮尽，真系心机之作。烧卖：师傅烧得真心好，外脆内软，唔似其他烧到成粒干哂。仲有食左一夜干鸡翼，烧白鲳仔，台湾肠，锡纸花甲粉丝，大头虾，马友，黄花，原条茄子都烧得美味。因为有朋友唔食得太辣都无所谓，佢哋台面都放定两樽辣椒粉同孜然粉，好细心。特别一提有款小食叫捧捧鱼干比起鸡泡鱼干香d同埋软身d，出面亦都唔见有呢款鱼干。我哋食够300蚊有张9折卡下次可以用，呢次嘅食之旅个个都好开心大满足，一定会再嚟encore。