影片
更多
2024-06-21
134 浏览
庆祝终于忙完一轮工作，今次拣左间居酒屋主打串烧及清酒。近排有订座套餐七折优惠，就在平日晚上试下佢地嘅set menu。整体食物质素满意，环境气氛良好，店员服务有礼，其中有啲食物味道颇有惊喜。Set Menu 有前菜、刺身、两个set共12款自选串烧、main course及甜品，$880一位有7折另加服务费。前菜有三品︰右边系蟹膏豆腐，嫩滑嘅豆腐有微蟹膏香，加上上面嘅蟹籽及蟹肉，系层次几丰富嘅口感。左边系蟹肉胡麻菠菜沙律，而我最钟意中间嘅柠檬水母，弹牙嘅海蜇配以清新嘅柠檬汁酸得嚟好开胃！刺身有生蚝及池鱼他他。生蚝新鲜，上有葱花、萝卜蓉及一个啫喱状酱汁，对我地嘅讲都系几新奇嘅食法。池鱼切丁混合调味料，鱼肉鲜嫩，入口清新，朋友最满意。坐吧枱位可以见到师傅在炉上不停地烧串烧，最先烧好嘅系汁烧牛肋（上图中间）及厚切牛脷芯（上图下方），热辣辣上枱。汁烧牛肋外面微焦，里面肉质鲜嫩，加上甜甜嘅烧汁系几惹味，牛脷芯好淋但有仍有弹牙口感，味道浓郁，钟意食牛嘅拣呢两样都应该会好满意。大汉烧羊皮：喺日式居酒屋食有孜然味嘅烧羊皮都系第一次！烧羊皮就唔系好似鸡皮咁脆，不过好香羊脂味都系一试难忘。鸡翼免治鸡肉软骨
Set Menu 有前菜、刺身、两个set共12款自选串烧、main course及甜品，$880一位有7折另加服务费。
前菜有三品︰右边系蟹膏豆腐，嫩滑嘅豆腐有微蟹膏香，加上上面嘅蟹籽及蟹肉，系层次几丰富嘅口感。左边系蟹肉胡麻菠菜沙律，而我最钟意中间嘅柠檬水母，弹牙嘅海蜇配以清新嘅柠檬汁酸得嚟好开胃！
刺身有生蚝及池鱼他他。生蚝新鲜，上有葱花、萝卜蓉及一个啫喱状酱汁，对我地嘅讲都系几新奇嘅食法。池鱼切丁混合调味料，鱼肉鲜嫩，入口清新，朋友最满意。
坐吧枱位可以见到师傅在炉上不停地烧串烧，最先烧好嘅系汁烧牛肋（上图中间）及厚切牛脷芯（上图下方），热辣辣上枱。汁烧牛肋外面微焦，里面肉质鲜嫩，加上甜甜嘅烧汁系几惹味，牛脷芯好淋但有仍有弹牙口感，味道浓郁，钟意食牛嘅拣呢两样都应该会好满意。
大汉烧羊皮：喺日式居酒屋食有孜然味嘅烧羊皮都系第一次！烧羊皮就唔系好似鸡皮咁脆，不过好香羊脂味都系一试难忘。
鸡翼
免治鸡肉软骨：居酒屋必点，每次一上枱已经流口水，而sakeh呢个免治鸡肉与软骨比例恰到好处，加上酱油及蛋黄混合嘅月见汁，口感香滑又爽脆。
盐烧野生马友：马友用简单嘅盐烧最食到原汁原味，烧到鱼皮香脆，马友浓郁嘅油脂香味亦被带出，特别边位㶶㶶地最好食。
荔枝豚肉卷：创意十足，估唔到豚肉与甜甜嘅荔枝完美融合，有惊喜。
鸡皮紫苏虾卷：酥脆嘅鸡皮包住虾肉，中间搭配紫苏的香气，口感层次丰富。
西兰羊架：羊架好大件，烧得刚好，外皮香脆，里面肉汁丰富。
食完前菜及串烧其实都差不多饱，套餐最后嘅主食我地各拣左虾味噌杂菜稻庭及三文鱼茶渍饭，两个汤头都相较之前嘅串烧清淡，加上最后一件苹果卷甜品，完美作结。
张贴
