影片
更多
2023-01-29
161 浏览
串烧omakase 试匀各款刁钻鸡部位之前去咗旅行再过埋个新年，终于有时间出下post，趁今日happy fri 要介绍返月头去湾仔既呢间炭火串烧店—炭火Dining 炎，由日藉主厨山口裕太师傅主理，之前喺日本餐厅田舍家做过好多年，经验老到～店内坐位唔算多，一路食既时候，店员仲会好chill咁同大家打成一片，感觉就好似去咗居酒屋咁~~气氛一流！Omakase Menu $1188/位📍前菜有雪菜鸡肉软糕 、鱿鱼酿三文鱼、虾、用西京汁腌制嘅提子串、蜜饯嘅黑豆串、甘荀沙律、深海池鱼卷配秘制梅酒酱。📍椀物年糕面豉汤入面既七彩年糕粒粒令到成件事精美咗，唔会觉得自已饮紧既只系面豉汤📍刺身五点分别系鲭鱼、油甘鱼、海胆带子、拖罗同埋牡丹虾，款款都好新鲜📍串烧五本•阿波美熟成鸡翼：呢款日本阿波美嘅鸡翼系经过2日嘅熟成，令肉入面嘅水份稍微抽干，令鸡肉嘅风味更融入于肉中，食落会更有鸡味。•北海道粟米：烧完之后依然脆甜多汁•厚扬豆腐：系用先炸后烧嘅方法所处理，做到外脆内嫩嘅口感，经过炭火嘅烧烤，令豆腐嘅油腻感锐减不少。•青提猪肉卷：猪肉入面包住青提，可以有效减少猪肉嘅油腻感。•牛肉韮菜卷：牛肉烧得好香口，加
之前去咗旅行再过埋个新年，终于有时间出下post，趁今日happy fri 要介绍返月头去湾仔既呢间炭火串烧店—炭火Dining 炎，由日藉主厨山口裕太师傅主理，之前喺日本餐厅田舍家做过好多年，经验老到～店内坐位唔算多，一路食既时候，店员仲会好chill咁同大家打成一片，感觉就好似去咗居酒屋咁~~气氛一流！
Omakase Menu $1188/位
📍前菜
有雪菜鸡肉软糕 、鱿鱼酿三文鱼、虾、用西京汁腌制嘅提子串、蜜饯嘅黑豆串、甘荀沙律、深海池鱼卷配秘制梅酒酱。
📍椀物
年糕面豉汤入面既七彩年糕粒粒令到成件事精美咗，唔会觉得自已饮紧既只系面豉汤
📍刺身五点
分别系鲭鱼、油甘鱼、海胆带子、拖罗同埋牡丹虾，款款都好新鲜
📍串烧五本
•阿波美熟成鸡翼：呢款日本阿波美嘅鸡翼系经过2日嘅熟成，令肉入面嘅水份稍微抽干，令鸡肉嘅风味更融入于肉中，食落会更有鸡味。
•北海道粟米：烧完之后依然脆甜多汁
•厚扬豆腐：系用先炸后烧嘅方法所处理，做到外脆内嫩嘅口感，经过炭火嘅烧烤，令豆腐嘅油腻感锐减不少。
•青提猪肉卷：猪肉入面包住青提，可以有效减少猪肉嘅油腻感。
•牛肉韮菜卷：牛肉烧得好香口，加埋佢哋秘制酱汁，令其加更惹味，而牛肉入面嘅韮菜喺烧完之后增添咗一份甘香。
📍油物
芝士蟹肉松叶蟹盖，表面灸烧过蟹肉有微微焦香，配埋伴碟既红菜头薯蓉，味道配搭得刚好
📍蒸物
百合根煮：系一款传统嘅京都菜，用类似汤圆皮包住经已煮熟嘅鳗鱼、金目鲷、银杏等配料，所以口感好黏糯上面仲有少少嘅日式芥末可以带出鱼肉嘅鲜味。
📍食事
鲍鱼糯米饭团：糯米饭用咗秘制酱汁所煮，味道香甜口感软糯，鲍鱼鲜嫩弹牙，口感十足。
📍甘味
系豆腐芝士蛋糕，黑豆布朗尼蛋糕同南瓜班兰蛋糕。我就最钟意豆腐芝士蛋糕
除咗omakase set，我地再叫咗几样店家signature /有特色既串烧黎试试~ 主力试左好多鸡既唔同部位
📍提灯：喺呢度嘅招牌菜，提灯即系鸡嘅输卵管、卵巢同埋未成壳嘅蛋黄，拎起嘅时候未成壳号蛋黄巢似灯笼，所以就有呢个名～至于味道始终都系内脏，可能会有啲肉腥味，但口感好丰富，蛋黄因半生熟，所以有爆浆口感。但卵巢就仲有未成长嘅卵子所以比较脆口，而连住嘅输卵管就较为弹牙。
📍鸡肝酱配威化：威化饼做到鸡嘅形状，将绵滑嘅鸡肝酱搽上威化，口感味道都好特别。
📍鸡冠：之前都有喺其他串烧店食过，但呢个鸡冠因为比较大，口感更而且又无烧到好干柴
📍鸡肠：呢个一定要趁热食，啱啱烧出嚟嘅鸡肠好爽脆，仲有好浓嘅炭烧香味，完全无啲内脏味！
📍鸡皮虾：用香脆嘅鸡皮包住爽弹嘅大虾嚟烧，食到有两种不同嘅口感，虾肉亦吸收鸡皮嘅油香，令虾肉更为鲜味。
📍鸡肉免治棒：系师傅亲自手打，入面仲加咗牛蒡粒同埋香菇粒，令鸡肉棒食落更有口感。
📍紫苏猪肉卷：用猪肉包住紫苏叶，猪肉烧得好香口，而入面嘅紫苏叶嘅味道融入猪肉，为猪肉增添一份紫苏叶独特嘅香味。
📍酢白子：系刚好时令嘅食材，配埋师传秘制嘅香醋汁，令白子食落更清爽，更开胃。
📍盐烧鳗鱼：鳗鱼用上厚切，再配以盐烧，保留咗鳗鱼原本嘅风味，亦可以突出鳗鱼本身嘅鲜甜。
#大口在湾仔#湾仔美食#打卡餐厅#打卡美食#湾仔omakase#厨师发办#湾仔串烧
#topcitybiteshk#hkfoodie#hongkongfood#hongkonger#hkrestaurant#hkfood#hkig#like4like#followme#photooftheday#foodoftheday#ufoodphoto
张贴
