串酒里 (已結業)

山林道餐厅林立，有齐中英法意菜，云云餐厅中只有呢间串酒里映入我眼帘，街道上只有一个门牌，等我打开串酒里既神秘面纱！串酒里系巷仔最入，分左室内同室外。面积几细，但同时唔会放太多座位，所以都有空间感。另外灯光昏暗，几适合饮酒倾心事呢种氛围。串酒里有售卖本土啤酒，而且系港式粗口。我拣左支「门西」既手工啤酒。药味几重，尤其系当归味，相当得意。日式汁烧BB露荀一串有足足七大条，清甜之外连茎部都好爽脆，另外调味亦够。蒜蓉烧原条茄子超大份，用叉已经可以轻松地撕开茄子肉。蒜蓉盖过茄子既苦涩味，同时又食到茄子似肉非肉嘅口感，真系意想不到的美味。札幌芝麻香烧饺子鸡翼加左芝麻更香，外皮几脆，入面酿左馅料令鸡翼更多汁。麻吉烧既馅料好烟韧，酱汁带微甜，好似我同女友咁缠绵同甜蜜猪仔髀肉质几嫩，相信要归功于餐厅采用嘅火山石烧技术。川式脆烧鸡软骨亦值得一试。麻辣酱烧鸡肉串既辣劲非同小可，食完好耐麻辣都未散去。自认食得辣嘅朋友可以去试下。唯一嘅海鲜就系黄金酱烧扇贝，扇贝都几大粒，肉质几甜，黄金酱类似沙律酱，味道酸酸甜甜，同扇贝几夹。系餐厅见到印上人见人憎「门西」样既手工啤酒，希望下次有得买。大家一齐惩罚下串酒里！