影片
更多
2022-01-01
75 浏览
难得去到港岛，梗系揾返间特色咖啡店去hea 半日啦，今日拣左间可以食乳酪既咖啡店。乳酪尼讲我好有要求架，必需要系希腊乳酪同埋要有生果，鬼叫自己响澳洲 working holiday 时日日食既乳酪都咁正咩。嗱嗱嗱，唔好以后系贵野，我都只系响超巿买架咋，宜家香港超巿都有卖同品牌既乳酪，但只有原味无生果味，仲要成日无货。不过香港卖得好贵成$90一盒，姐要等佢就到期时先舍得买...出街食野就唔好悭，系我奶奶教既，所以我会舍得比$78 买一碗乳酪。蓝色螺旋藻乳酪碗，配上大量水果(香蕉提子士多啤梨蓝莓)及蔬菜脆片，仲有一大朵干燥花。店员表示朵花系食用花尼，咁大朵好少有人会，但影相会靓啲。乳酪系好味既，不会太甜口感幼滑，尼个值钱系值得比既。hea 左半日又有啲饿，只好再叫个黄金香辣咸蛋蚬肉意粉，等左大约20分钟先有得食。意粉系真系辣既，有大量蚬肉，有一坨咸蛋酱响意粉顶，捞唔捞其实意粉都已经好够味好好食，捞埋就加左咸蛋味。食物份量有啲少，不过cafe 之意本是hea/打卡，无人系为左医肚既。既然系为左打卡，唔差在叫埋杯earl grey latte，味道够浓唔错。百几蚊比我hea 左半日，其实真系唔
难得去到港岛，梗系揾返间特色咖啡店去hea 半日啦，今日拣左间可以食乳酪既咖啡店。乳酪尼讲我好有要求架，必需要系希腊乳酪同埋要有生果，鬼叫自己响澳洲 working holiday 时日日食既乳酪都咁正咩。嗱嗱嗱，唔好以后系贵野，我都只系响超巿买架咋，宜家香港超巿都有卖同品牌既乳酪，但只有原味无生果味，仲要成日无货。不过香港卖得好贵成$90一盒，姐要等佢就到期时先舍得买...
出街食野就唔好悭，系我奶奶教既，所以我会舍得比$78 买一碗乳酪。蓝色螺旋藻乳酪碗，配上大量水果(香蕉提子士多啤梨蓝莓)及蔬菜脆片，仲有一大朵干燥花。店员表示朵花系食用花尼，咁大朵好少有人会，但影相会靓啲。乳酪系好味既，不会太甜口感幼滑，尼个值钱系值得比既。
hea 左半日又有啲饿，只好再叫个黄金香辣咸蛋蚬肉意粉，等左大约20分钟先有得食。意粉系真系辣既，有大量蚬肉，有一坨咸蛋酱响意粉顶，捞唔捞其实意粉都已经好够味好好食，捞埋就加左咸蛋味。食物份量有啲少，不过cafe 之意本是hea/打卡，无人系为左医肚既。既然系为左打卡，唔差在叫埋杯earl grey latte，味道够浓唔错。
百几蚊比我hea 左半日，其实真系唔贵。
蓝色螺旋藻乳酪碗
$78
8 浏览
0 赞好
0 留言
黄金香辣咸蛋蚬肉意粉
$78
5 浏览
0 赞好
0 留言
张贴
