韓Cook (已結業)

今日小编同一位有人就嚟咗呢间餐厅度试下佢嘅部队锅，行过见到好似唔错，价钱唔算平，但系都几有韩国风味，所以一心试试佢👍🏿韩国菜嘅老规矩，前菜！呢三样都几好食，左边系芽菜，中间系泡菜，右边系薯仔，三样嘅味道都唔错。呢个就系部队锅，其实佢入面嘅用了非常简单，相信大家都会知道，例如包括肠仔午餐肉，茄汁豆，豆腐，少量嘅肉片等等，其实如果以食物质素来讲，韩国呢一啲嘅嘢食就真系冇乜食物质素可言，但系味道系唔错嘅。最低起码系食得饱 。但价钱方面，呢锅野已经要＄210 ，其实谂真啲，都真系几贵😂而呢个锅，有少少似打边炉咁，咁所以点可以有冇个公仔面呢，但系呢个公仔面又要再加＄25先会有，所以再一次觉得，其实呢一间餐厅都几贵。加埋个锅，总数价钱系＄235埋单，性价比其实一般，味道系唔错，但系其实就冇乜食物质素可言，啲餐厅嘅服务其实亦都可作改善，因为当晚小编去食嘅时候，大约晚上8:30 ,餐厅入面亦都仲有三四枱客，虽然餐厅面积细，一眼睇晒，但系楼面就只有一个侍应，𠮶个侍应亦都唔会主动帮客人加水同收走枱面嘅吉碟等等，所以希望餐厅亦都可以改善下呢个问题。