影片
更多
2022-08-23
28 浏览
之前食过码头故事，佢嘅麻辣火锅相当高质，同一层另一边开左姊妹新店，专做鱼汤火锅，食过返寻味，一于又去试吓主打嘅鱼汤✨鸳鸯锅$148先生钟意食辣，我就唔食得辣，鸳鸯锅就最啱我哋。麻辣红锅五种辣度，先生点左最小嘅辣度，已经表示够辣够麻，食得过瘾。我就嗌左鲗鱼锅，汤底清甜又有鲜味。侍应会放原条鲗鱼落去煮，熟后会先舀一碗鱼汤俾我哋饮，真系非常鲜甜。之后再试鱼肉，肉质细软，煎香过嘅鱼皮脆口惹味。安格斯肥牛半份$118肥牛肥瘦适中，油香肉味令人十分满足，而且唔多筋，肉质都几滑。鲈鱼$198条鲈鱼开边上碟，卖相好靓。比起鲫鱼更鲜甜，肉质更细腻滑溜😋 呢度主打嘅鱼，果然够水准👍🏻 唯一系细骨多要小心剔走。四色菜篮 $68菜篮包括：冬菇、粟米、木耳，同两款蔬菜🥬全部都新鲜爽甜。炸支竹$38茴香小油条$38油条入面有切得细碎嘅茴香菜，细细条放入锅中，吸收晒汤底嘅精华，仲有茴香独特嘅香味，特别好食！红糖冰粉第一次食咁有地方色彩嘅糖水。冰粉又凉又滑，拌以花生碎，山楂甜汤酸酸甜甜，仲青提子干增加口感，唔系只得甜味咁简单！食完仲可以清走口中浓味☺️
鸳鸯锅$148
先生钟意食辣，我就唔食得辣，鸳鸯锅就最啱我哋。麻辣红锅五种辣度，先生点左最小嘅辣度，已经表示够辣够麻，食得过瘾。
我就嗌左鲗鱼锅，汤底清甜又有鲜味。侍应会放原条鲗鱼落去煮，熟后会先舀一碗鱼汤俾我哋饮，真系非常鲜甜。之后再试鱼肉，肉质细软，煎香过嘅鱼皮脆口惹味。
安格斯肥牛半份$118
肥牛肥瘦适中，油香肉味令人十分满足，而且唔多筋，肉质都几滑。
鲈鱼$198条
鲈鱼开边上碟，卖相好靓。比起鲫鱼更鲜甜，肉质更细腻滑溜😋 呢度主打嘅鱼，果然够水准👍🏻 唯一系细骨多要小心剔走。
四色菜篮 $68
菜篮包括：冬菇、粟米、木耳，同两款蔬菜🥬全部都新鲜爽甜。
炸支竹$38
茴香小油条$38
油条入面有切得细碎嘅茴香菜，细细条放入锅中，吸收晒汤底嘅精华，仲有茴香独特嘅香味，特别好食！
红糖冰粉
第一次食咁有地方色彩嘅糖水。冰粉又凉又滑，拌以花生碎，山楂甜汤酸酸甜甜，仲青提子干增加口感，唔系只得甜味咁简单！食完仲可以清走口中浓味☺️
张贴
