B家닭갈비 (已結業)

难得有朋友揾饭脚，紧系去试下屋企附近开左几个月既炒辣鸡店，因为平日两个人真系好难食得哂。入到去地方超大，装修又新，唔似一般食韩烧既店咁大油烟味。叫左个炒牛肉同炸鸡。初头以为份量好大，其实都系得个盘，两个人食应该无咩问题。味道都唔错，只系炸鸡淋左酸辣汁，无左韩式炸鸡既神髓，比较起黎我中意chibee 个种，无骨表面干身得黎入面又够juicy既炸鸡多d！四个人叫两样又点够，再追加野食，反转个menu 除左pan food 以外都无咩另类既选择，唯有叫多个部队锅。成晚好似欠缺左个主食(寿司，冷面或炒饭咁)。抵赞既系依度既员工个个服务态度都超好超友善，食到最后得反我地一台客都无赶我地走。见我地食完炒牛肉又帮我地换过晒d碗碟先食部队锅，好少餐厅会服务得咁好。