影片
更多
2013-10-01
2328 浏览
情侣两口子，晚餐，半饱。是日由于我俩不太肚饿，而且之前帮衬过两次，食过主菜都觉得普普通通，所以今日主攻小食。夜晚七点到九龙城，仲未需要等位。环境方面，唯一要批评的是酱油小碟和餐碟都有污渍。顺带一提，因为今次揸车黎可以两手空空，之前揹住个背囊真系无位放。最后我俩叫左３轮共８个小食：特选刺身拼盘带子比我家里常吃的小只，鲜味亦不够；蟹籽的味道好奇怪，酸酸的...（可能系俾垫底的青瓜污染左）其他刺身就好新鲜，但味道并不是最顶尖。三文鱼寿司个饭团好软好有日本饭的味道，旧饭唔会太冰冻但又唔似出面个啲直头系热既..好喜欢旧饭入口的感觉，不过，三文鱼无上面拼盘个啲咁有三文鱼既味道...一旧得一旧唔得，下次未必会再叫寿司。青瓜仔拌八爪鱼望落似酸辣，食落其实一啲都唔辣，开胃小菜，赞！广岛蚝怀石烧个蚝好鲜，芝士味好浓，好彩无再落柠檬汁，因为啲芝士本身就有酸味，我食到啲芝士汁一滴不漏。日式炒杂菜望落个卖相唔太讨好...睇极都唔知有咩夹得上手..但食落又几惹味，望落好似好多油但食落完全无油味，亦都无好大阵好臭既炒野味。三文鱼他他多士每次黎必食！今次觉得特别好食，个多士口感超脆，但又唔会食到啲碎周围都系，净系食个
是日由于我俩不太肚饿，而且之前帮衬过两次，食过主菜都觉得普普通通，所以今日主攻小食。夜晚七点到九龙城，仲未需要等位。环境方面，唯一要批评的是酱油小碟和餐碟都有污渍。顺带一提，因为今次揸车黎可以两手空空，之前揹住个背囊真系无位放。最后我俩叫左３轮共８个小食：
特选刺身拼盘带子比我家里常吃的小只，鲜味亦不够；蟹籽的味道好奇怪，酸酸的...（可能系俾垫底的青瓜污染左）其他刺身就好新鲜，但味道并不是最顶尖。
三文鱼寿司个饭团好软好有日本饭的味道，旧饭唔会太冰冻但又唔似出面个啲直头系热既..好喜欢旧饭入口的感觉，不过，三文鱼无上面拼盘个啲咁有三文鱼既味道...一旧得一旧唔得，下次未必会再叫寿司。
青瓜仔拌八爪鱼望落似酸辣，食落其实一啲都唔辣，开胃小菜，赞！
广岛蚝怀石烧个蚝好鲜，芝士味好浓，好彩无再落柠檬汁，因为啲芝士本身就有酸味，我食到啲芝士汁一滴不漏。
日式炒杂菜望落个卖相唔太讨好...睇极都唔知有咩夹得上手..但食落又几惹味，望落好似好多油但食落完全无油味，亦都无好大阵好臭既炒野味。
三文鱼他他多士每次黎必食！今次觉得特别好食，个多士口感超脆，但又唔会食到啲碎周围都系，净系食个多士都已经觉得好好味，上面既碎蛋加蟹籽够冻，用啲碎蛋痴住啲蟹籽保证唔会食到周围都系。食到有三文鱼果啖最感动。
迷你芝士火锅芝士系臭个只芝士味，未必人人接受到，一开始个火好大，啲芝士直头跳埋出黎，要小心被弹亲整污糟，但个火亦熄得好快，唔想食得太杰就要食快啲了。配菜方面少左啲，只有面包同西兰花，不过５６蚊滚下滚下算系咁啦..
奶茶布甸本人唔饮奶茶，但都觉得好易入口，味道当然唔系港式茶餐厅既奶茶味道，而上面既cream多啲会更好，否则食到最底下面啲味就会好寡了。
总结，之前黎食都系一人叫一个主菜再叫一两个小食，但呢度啲主菜实在麻麻，特别系拉面，食到我好饱都无心机试啲小食，今次净系食小食就感到非常满足，但价钱就贵左好多。左右两边既情侣主攻主菜埋单只系200多，我俩就要400多，所以我下次都会同今次一样，唔太肚饿先黎食小食。
张贴
