Vision 8

营业中

休息中

朋友生日谂住食餐好啲嘅西餐，见呢度有唔少好评，就过黎试吓。今日一行四人黎呢间餐厅，装修其实几舒适，灯光柔和都几适合几个朋友黎倾下计。但食物要慎选呀～小食同前菜都还好，但二人份的主菜价钱贵得黎又唔值个价钱。香煎蟹饼伴沙律配油醋汁🥗 $148 |都几特别，炸皮不会太厚而且很脆，切开会见到有一条条蟹肉，入面有小小薯仔，味道好夹好好食，但个沙律就似变左做伴碟咁。20oz 美国极级肉眼扒 $588 |牛扒好大块而且好厚，叫左五成熟，望落都烧得好靓，重牛味，但偏鞋身。西班牙海鲜饭（二人份）$358 |上碟时铁锅仍是热的，我们四人分二人份量仍然觉得太多。材料丰富但唔系好新鲜，饭的口感比一般意大利饭硬身，最重要的酱汁都好奇怪，食落好咸但又无乜其他味，好单调。虽然份量多，但味道绝对不值得这个价钱。烤纽西兰羊仔T骨扒 $198 |呢个系全菜入面最好食的！调味好好，羊仔肉肉质香软，而且没有很多脂肪都非常香！不会像吃羊架食到成口都系油。