Aqua (已搬遷) 新店位置

一直都有听过Aqua个景色好靓，咁啱系香港餐厅周，就约埋一班朋友去试一试个lunch menu。一开始送左个三文鱼脸猪dun嘅小菜俾我地，我地都有啲惊喜（其实每枱都有），酸酸地加埋啲海草几开胃。我头盘就叫左个薄切油甘鱼伴三文治鱼籽及酸汁水晶，不过不失，油甘鱼几新鲜。另外主菜叫咗意大利辣蕃茄酱通粉配黑水榄及羊奶芝士，非常普通，卖相亦无特别，有啲失望。甜品就叫咗塔雷吉欧乳酪配巴马臣芝士伴自家制甜酸酱。甜酸酱其实系蜜糖，配搭芝士非常合适，三样入面比较出色。最不满既系餐厅冷气非常唔够，一坐低，个太阳晒住我地个位，热到爆，食到一半已经出汗，好似系温室入面食嘢咁。我地快快手食完就走了。整体嚟讲，呢度比较适合夜晚同另一半黎，享受一下浪费气氛。对食物质素就唔好咁高要求啦。