江南

营业中

休息中

约咗朋友行街，中午在IFC揾饭食，见到江南餐厅好似好靓咁，坐得又舒服，就决定试吓。见到好多人都食萝萄丝酥饼，我哋又试吓，真系唔错，佢卖相好掂，新鲜制作热辣辣，口感酥脆，萝卜丝好丰富。竹笙上汤时蔬-芥兰，份量满足，竹笙十分鲜甜，芥兰吸收晒上汤精华，非常鲜美，口感爽脆，熟度正好。京葱爆安格斯牛柳条，一上枱就闻到非常浓郁嘅牛肉香味，即刻食指大动，牛柳非常嫩口，而且无渣，肉质很高质！下层铺咗好多洋葱，同牛柳好夹！士多啤梨奶冻，呢个甜品卖相好吸引，士多啤梨味好突出，奶冻口感爽滑，呢个甜品是个不错的选择。