丼燃食堂

营业中

休息中

餐厅内位置不多，环境唔算好优雅，不过胜在特别。叫左好多野食，第一样黎既系金龙卷，HKD 68。侍应哥哥仔一点火，佢起码烧咗成分钟，可以慢慢影相，效果好靓，打卡之选。味道方面，因为比火烧完，入口仲系热辣辣。唔需求点豉油，因为佢原本有汁，上面又有沙律酱，本身都咸咸地好够味。之后，主食，叫左一个激突三文鱼丼，HKD 138。有三片三文鱼、三片三文鱼腩、三只虾、带子一粒、鱼子，算系好丰富。第二个系乜蟹都有丼，HKD 128。呢款可以自选汁，我选左芝士蟹子，所以上面会有蟹子。有蟹钳二个、好多蟹柳、蟹膏。个人认为性价比冇第一个咁高，不过都好食。小食，三件炸鸡 HKD 28，两件炸蚝 HKD 22，几好食。小食，炸三文鱼鳍，HKD 22，呢个价钱有咁大旧好抵食！上面既芥末酱有d多此一举，冇好食啲。叫埋野饮同加一之后，埋单一共HKD 463。不过，每一样野望落都唔贵，但份量不多，男士好大机会唔饱，因为我地食完之后都马上揾甜品食饱肚了。