久久

营业中

休息中

餐厅：久久地点：中环街市菜式：台湾菜餐牌：下午茶餐牌有古早手工面，家传卤肉饭，地道小食，甜点，饮品，价钱相宜久久红烧半筋半肉面 $63久久红烧半筋半肉面大大碗，面头系牛肉两大件同牛筋几条。牛肉系半筋半肉，够稔，食落骨胶原感重，味道亦啱啱好。牛筋入口即化。伴有两大条小棠菜，咸菜同葱花。个汤好清，饮落带少少酸味，送面好好食。面系白色扁身面条，偏稔，份量唔少。呢个下午茶价钱抵食。久久麻辣牛三宝 $98呢碟小食好大碟，热辣辣上枱。牛三宝包括腱心两大条，牛筋三/四条，牛肚4片。牛肚好有口感，味道系好辣架，好刺激！伴有卤水蛋一只同咸菜。卤肉A菜 $38卤肉A菜系油墨菜上面加好多卤肉。油墨菜份量足，卤肉份星多，菜又嫩又够味！古早芋泥三色芋圆 $38古早芋泥三色芋圆大大碗，中间芋泥一大旧，外围有黄，深紫同浅紫芋圆各5粒，再加凉粉，最后加上淡奶。芋泥都颇甜，整散𩠌芋圆凉粉同食就啱啱好。芋圆口感烟韧唔会太粉，凉粉滑溜，口感丰富！食完碗甜品可降温。今餐最正系牛三宝！上菜快捷，价钱合理，地点方便。中环返工人士可以试试。