素年 (福隆大廈)

营业中

休息中

未到十二点舖头已经有好多人排队，我哋成功做咗第一批食lunch嘅客人☺️喺门口排队时已经睇定menu，决定嗌咖喱猪扒饭同不可能汉堡包。两个餐都好快上菜，每个餐都跟一个嘢饮。不可能汉堡包系配粗番薯条，热辣辣又脆又甜好好食。个包本身亦有煎过，所以同个「肉」一样好香口。佢入面有火箭菜同洋葱，不过夹埋啲「肉」、芝士同包一齐食就唔会觉得有火箭菜𠮶种苦味或者生洋葱嘅辣。成个餐唔点茄汁已经好好食，不过点咗又多份唔同嘅层次感。个咖喱真系好日式，甜得嚟又好有咖喱香料嘅香味。虽然成份都系素，但配咗啲苹果片、菇同车厘茄感觉中和咗炸猪排嘅油腻感。啲饭亦都软硬适中，整体都好好食。