神廚館 (已搬遷) 新店位置

终于试到喇！好开心，亦无令我失望！两人要了一个招牌煎蛋海苔窝烧墨鱼饼饭($30) & 一个原汁崩沙牛腩饭($28)。两个都跟紫菜浓汤鱼上骨汤。先黎个汤，好够热又好够味，非常浓味，证明火候十足，赞！个豆卜吸晒D汤嘅浓味，很好吃！原汁崩沙牛腩饭: 牛腩牛筋都炆得好入味，又够淋，个汁用黎lo饭一流！仲有d白萝卜都好甜！招牌煎蛋海苔窝烧墨鱼饼饭: 卖相好得。将只蛋lo匀d饭，再加上微咸嘅豉油真系好正！墨鱼饼外脆内软，味道略咸，配埋D饭一齐食就perfect~真系无令我失望㖞！我地去o个阵咁o岩得番一过个阿姐做，虽然人好多，但都好有礼貌，仲好有效率，落单、煮野食、收银一脚踢，劲！