德美壽司

营业中

休息中

入左沙田反工都有一年，不过就好少系沙田食晚饭，呢日收工后朋友带我去河畔一带揾食，原来呢边好多野食! 行左一轮决定食日本野，因为都有3个几月无食日本菜啦! 7点左右唔使等位就入得，服务员系我地同意之下安排左吧台比我地。  吧台位置都好阔落一D都唔逼，仲可以望到师傅整刺身同寿司。餐厅食物选择都好多，我地睇左一轮都拣唔定，最后索性点左个二人餐，咩都有D丫嘛! 前菜有芝麻八爪鱼(忘记影相)沙律好新鲜，最好味系个汁，好开胃! 刺身有三文鱼，新鲜肥美! 小食有枝豆。盐烧鲭鱼好好味，好大条! 烧得好香好入味!有南瓜、虾、茄子、冬菇、紫苏叶。出面层炸粉唔算好厚，食落所有野都好新鲜，最好味系南瓜，因为好粉好有南瓜味! 饭炒得干身配料都好多，不过有好多洋葱粒炒所以我食左一小碗...(我本身唔食洋葱)另外仲有牛肉锅(忘记影相)，配料有牛肉、少少粉丝、菜、豆腐、冬菇、鸡蛋。整体味道觉得一般，觉得菜有D老，牛肉都唔系特别好食。面豉汤几足料，最值得一赞系唔会好咸，感觉系清清地既味道。我地另外叫左火炙左口鱼裙边寿司同赤贝寿司，左口鱼入口即溶好好味 赤贝大大只好新鲜爽口!!整体而言呢餐都唔错，值得一试!