榮記粉麵

营业中

休息中

同朋友行街前决定食d 野医肚先，谂紧米线定车仔面，最后朋友拣咗车仔面。系铜锣湾如果想食车仔面，一定会谂起荣记。今日都唔意外要搭枱，好耐冇食过，每次都系食墨鱼头牛腩萝卜呢三个𩠌。今日其实都系，不过墨鱼头决定叫个小食，咖哩辣酱墨鱼头 $42，牛腩萝卜油面（走葱）$38，另外叫支豆浆 $10。碗车仔面其实佢会配少少通菜，个腩汁真系好正，够晒味，萝卜冇渣够甜够淋，牛腩入晒味又唔会硬，碗面睇落好似唔系好大碗咁，但食落其实个份量啱啱好。个咖哩墨鱼头够惹味，食多几旧仲会觉得有d 辣🤪，刺激下味蕾，朋友后尾要浸落汤先食😂，一碟两个人share 啱啱好。p.s. 因为朋友同我叫一样嘅𩠌，所以冇影佢个碗喇🤣🤣