直燒和牛商店 (已結業)

以下是个人真实用餐嘅感受，每个人都可能会有唔同嘅体验，所以以下嘅嘢都只系用作参考。之前都有食开呢间烧肉店几次，𠮶阵时仲系喺旧舖位，有任食吉列牛舌，超级抵食，CP极高。但系今次食完之后，就应该唔会再去帮衬了。因为我食𠮶日佢哋成间餐厅嘅Menu都唔同咗，冇咗任食嘅吉列牛舌，而且其他Menu嘅嘢食份量唔多，价钱都冇话特别平，可能系我个人问题大食同埋冇钱。另外，虽然会有员工专门帮你烧和牛，但系员工嘅服务态度就冇话好好，用餐期间有种说不出嘅感觉。𠮶阵我食完嘢总共都只系30分钟左右，然后想坐喺𠮶度消化多一阵先埋单走人，但系啲员工就已经即刻拎张单过嚟，仲系咁喺前面走来走去，仲有一个女员工咩声都冇出就执走晒枱面啲嘢，同埋换咗块铁板。真系好不愉快，最后买咗单离开餐厅之后，喺某某社交平台见到几个关于呢间餐厅嘅广告嘅标题同埋推介，就觉得好讽刺好搞笑。希望呢个食评可以比大家参考，同埋唔会造成诽谤。以上嘅内容纯属个人用餐体验，只供参考。