影片
更多
2021-08-16
2294 浏览
「厨师发办」（Omakase）晌香港都盛行咗一段长时间，所以，都唔需要多作介绍，市面上有以平价作招徕，有以质素、口碑见称，可谓百花齐放，总之各有各精彩，各有各客源。传统揾食旺区故然有好多呢一类餐厅，但一啲非旺区亦有一啲卧虎藏龙，今晚跟住个年年至少去一次日本嘅铁粉，嚟到美孚嘅「友乐鮨」，大叹一顿高质素嘅「厨师发办」。同区有家「友乐亭」，形式走居酒屋路线，多年前曾帮衬过，感觉好唔错，单睇名字，相信都喺姊妹店，所以，无形中多咗份信心。门面已喺一派好和风嘅风格，浅木色条形为主调，少少条形窗可以窥探到内里嘅环境，唔会搞到好神神秘秘，高不可攀嘅感觉。而踏进餐厅，地方唔喺好大，但你会感觉好宽敞，因为枱櫈可以讲喺低密度排列，加上柔和嘅灯效，感觉宁静盎然。一张L形板前席，喺食「厨师发办」嘅指定最佳位置，因为可以睇到师傅切鱼生嘅刀功、揑寿司嘅手势，以及跟佢哋嘅互动。再者，啲梳化椅背垫够厚，坐得好舒服，櫈下亦可以放杂物、背包。人少当然拣住吧枱就最好，人多啲亦有四人枱供选择。由于防疫关系，枱面已备有消毒啫喱自由取用，唔好见佢哋无放啲隔板，而喺宁愿做少几个客嘅生意，唔使等啲隔板影响晒成个场嘅美观，将客人安排隔开
门面已喺一派好和风嘅风格，浅木色条形为主调，少少条形窗可以窥探到内里嘅环境，唔会搞到好神神秘秘，高不可攀嘅感觉。而踏进餐厅，地方唔喺好大，但你会感觉好宽敞，因为枱櫈可以讲喺低密度排列，加上柔和嘅灯效，感觉宁静盎然。
一张L形板前席，喺食「厨师发办」嘅指定最佳位置，因为可以睇到师傅切鱼生嘅刀功、揑寿司嘅手势，以及跟佢哋嘅互动。再者，啲梳化椅背垫够厚，坐得好舒服，櫈下亦可以放杂物、背包。人少当然拣住吧枱就最好，人多啲亦有四人枱供选择。由于防疫关系，枱面已备有消毒啫喱自由取用，唔好见佢哋无放啲隔板，而喺宁愿做少几个客嘅生意，唔使等啲隔板影响晒成个场嘅美观，将客人安排隔开啲嚟坐。
顺带一提，除环境以和风木系为主之外，近玄关仲有个清酒柜，𠮶时晌「友乐亭」都见到有同样嘅设定，清酒中有唔少挂住个名牌，原来喺逊客嘅，可见小店甚受欢迎。
此外，酒柜下面仲模造咗一个「迷你」日式庭园嘅砂石丘，而餐厅内仲有少少日式嘅小摆设，都喺令到餐厅整个气氛都更日系！
晌呢啲中高档餐厅，除咗环境，餐具及服务都喺值得留意嘅一环。一碟、一杯都好古雅，就连筷子托都特别别致，之后盛载之食物嘅器皿亦都赏心悦目；而服务方面，好熨贴，侍应落单时会先问问有无嘢唔食得，或食物敏感，态度既有礼，又不时为我哋添茶及收拾餐具。师傅上菜嘅速度，亦喺恰到好处，令人用餐感到悠闲唔急促。
虽然，一大本餐牌有唔少菜式供选择，沙律呀、酢物呀、刺身呀、卷物呀、寿司呀……等等，但相信大多数人嚟都喺拣套餐。分别有3个价位，「友乐晚餐」（$580）、「厨师精选Omakase」（$1,180）、「厨师精选Omakase」（$1,300），有平有贵，丰俭由人。而小弟今次喺试试$1,300的「厨师发办」套餐，因为事前唔知会食乜，但往往食材都带嚟好多惊喜，喺一次奇妙嘅体验。
饮品方面，清酒、烧酎、生果酒、啤酒、汽水……一应俱全，反转后面仲有几款特饮提供！
晌影吓环境、影吓餐牌，不经不觉师傅就预备好几款前菜，除有啲姜片外，仲有腌渍嘅牛蒡同蒜头，前者入口爽爽哋，细嚼后有阵阵甘味；后者入口喺好爽脆，有别平常食到咁软软腍腍，有种食紧「酸荞头」嘅感觉，非常得意。
时令前菜三款 一切准备就绪，就上第一道菜，亦喺食「厨师发办」嘅典型安排，三款特色前菜：北海道粟米、青瓜渍配松叶蟹、莼菜配水母。以日式便当小木盒一次过送上，单喺卖相已有啲先声夺人嘅感觉，非常精致而富雅气，贯彻日本菜一向嘅匠人精细。
时令前菜三款
12 浏览
0 赞好
0 留言
第二道要试喺青瓜渍配松叶蟹，伴有少少啫喱醋，青瓜配上啫喱醋入口十分清爽，而松叶蟹肉鲜甜无比，以质取胜。
最后喺莼菜配水母，好在有个哈日朋友，先知莼菜（音：纯）喺啲乜，喺啲浮叶性水生植物，有层透明薄膜包住，口感滑潺潺，好得意。而水母咬落似海蜇，爽爽脆脆，伴以酸醋汁，好清新嘅感觉。
北海道雪解蚝第一道刺身喺雪解蚝，好陌生嘅名字，所以，绝对喺第一次享用，蚝形偏长，师傅处理得好干脆，亦唔会有蚝壳碎，面头仲加咗梅酒啫喱，平衡番个海水味。雪解蚝肉质饱满，入口蚝味重，质感脆身，海水味唔算太重，喺好有质素嘅生蚝。
北海道雪解蚝
3 浏览
0 赞好
0 留言
又喺一道极少接触嘅鱼类，第二道刺身喺鲛鲽鱼薄切，尽显师傅刀工，每一片厚薄均一，并且薄至透光，加一朶菊花，洒上点点柚子青作点缀，感觉立时好唔同。鱼肉有少少爽爽哋，鱼味唔算好浓，但佐以柚子醋，有一份小清新嘅感觉。别忘了菊花下仲垫有不少昆布，都好好食架。
深海池鱼第三道刺身喺比较常遇到嘅深海池鱼，相信大家都唔陌生，色泽晶莹而带淡粉红，保持一贯光泽亮丽，足见其新鲜度。师傅特登晌刺身上鎅几刀，増加美观感，并搽咗酱油，加咗芥末，一啖放入口就得喇，食落肉质嫩得嚟带爽口，鱼鲜味颇突出。
深海池鱼
3 浏览
0 赞好
0 留言
第四道刺身喺北寄贝，但当然唔喺平常晌回转寿司食𠮶啲红红哋嘅平价货莓，而喺新鲜货色，外观已明亮光泽。咬落去质感软腍，带少少爽口感，味道喺非常之鲜甜，轻轻沾丁点酱油，真喺鲜味尽出。
新鲜北寄贝
5 浏览
0 赞好
0 留言
牡丹虾以往都食过好几次，不过，今次呢只算好大只吓，介绍时，师傅仲话虾膏煮过仲深番上面，味道带甘甘哋，再衬上虾籽，而且虾身本身色泽光亮红润，可谓颜值高，新鲜度已抢晒分。一啖入口，肉质黏黏哋却又带有爽身嘅口感，非常好食。
北海道牡丹虾
4 浏览
0 赞好
0 留言
食刺身最紧要喺够新鲜，咁就已经差唔得去边。第六道刺身喺炙烧帆立贝，刺身级嘅帆立贝既大粒，又厚身，炙烧后以紫菜卷起嚟食，香脆嘅紫菜搭上软滑绵绵嘅帆立贝，𠮶份嘅感觉，的确令人印象深刻，真想再要多件呀。
中拖罗转眼间，已嚟到最后一道刺身，即喺刺身中嘅常客中拖罗。中拖罗比赤身油份重啲，但又唔会好似大拖罗咁好多油脂，可以讲脂肪适中。跟深海池鱼一样，已搽咗酱油，加咗芥末，睇到油花细致，油分充足，入口确喺柔嫩味鲜，渗有少少油香。
中拖罗
10 浏览
0 赞好
0 留言
一轮刺身已有好奇妙嘅体验，跟住落嚟嘅寿司又会喺点？先登场嘅第一道寿司喺金目鲷寿司，师傅三手就捏好寿司饭，饭粒松软唔会死实，却又唔会一夹就散，并已加入赤醋作调味。金目鲷嘅温度刚好，入口肉质细腻，味道鲜甜，油脂唔太重。
金目鲷寿司
7 浏览
0 赞好
0 留言
第二道寿司喺用上嚟自冲绳嘅石垣贝，又喺未接触过嘅食材，哗！唔喺讲笑，只石垣贝仲郁郁吓，大力拍落去仲会有反应，足见新鲜到不得了。虽然都喺贝，跟北寄贝又好唔同，口感比较软滑，搽上酱油，提升其鲜味嘅层次。
石垣贝寿司
6 浏览
0 赞好
0 留言
第三道寿司喺𫚕鱼寿司，第一次听𫚕鱼觉得好陌生，其实，𫚕鱼就等同油甘嘅大人，咪以为大条咗就会肉质嚡，其实佢算喺顶级食材，而且，好讲时令。泛红嘅鱼身无暗哑，食落口感鲜滑细腻，油脂丰腴。
𫚕鱼寿司
8 浏览
0 赞好
0 留言
沙甸鱼？当然唔喺讲罐头𠮶啲，第四道就以沙甸鱼做成寿司卷，呢段时间沙甸又喺几时令，里面仲卷住一啲咸菜及幼葱条，整体口感及味道几唔错，沙甸嘅油香都几突出。
海瞻寿司嚟到最后一件寿司，虽然选材海瞻，但做法可以不一样。以一个方形小碗盛载，摆上一小花束紫苏，如艺术品般美。北海道嘅海瞻，向来都喺高质素，外表有光泽，入口果然喺甘香丰腴，绵密细腻，仲有种甘甜嘅余韵。
海瞻寿司
19 浏览
0 赞好
0 留言
之前食过好几次「厨师发办」，临近尾声都会有一道手卷，唔知喺咪啲师傅情有独钟，都好钟意用上吞拿鱼，并卷成长条形，今次亦喺。将吞拿鱼腩刴成蓉，加入葱碎、一啲渍物，食起嚟有吞拿鱼嘅油润，但就令口感唔会太腻，增添少少清爽感。
厨师特选一品料理究竟喺咩料理呢？师傅卖关子，到最后一刻先送出嚟，原来喺一道煎静冈金目鲷。卖相有种清洒脱俗嘅意景，因为以海苔做成「翠绿嘅湖泊」，垫上一件薄豆腐，再放上煎香嘅金目鲷。鱼肉非常嫩滑，而且，非常鲜甜，豆腐亦滑溜，充满豆香。
厨师特选一品料理
4 浏览
0 赞好
0 留言
蟹肉茶碗蒸 加入咗蟹肉，自不然令个茶碗蒸升咗两级啦，而且，个陶瓷碗亦都好别致。睇到表面蒸得好平滑，滔一羹试试，蟹肉落得唔少，蛋浆蒸得滑溜无比，兼且甚有蛋香，正呀。
蟹肉茶碗蒸
14 浏览
0 赞好
0 留言
玉子蛋糕突然间，师傅捧咗个玉子蛋糕出嚟，话请我哋试吓，突然令小弟想起有次食「厨房发办」，又类似喺咁，师傅捧咗条伊达卷出嚟请客人食。虽然，只喺一小件玉子蛋糕，但蛋味劲浓，却喺好清甜。仲有少少印象，有师傅话过，食寿司，最尾喺蛋，有句号嘅意思添。
时令清汤食日本嘢，佢哋喜欢最尾先嚟饮汤，今次嘅清汤喺舞茸白身鱼清汤，而白身鱼用上时令嘅真鲷。师傅话先饮个汤，个汤应该喺鲣鱼汤，味道比较清，而再食啲舞茸同真鲷，前者颇有香菇味，后者肉质纤维比较细嫩，食起嚟比较清爽。
豆腐雪糕配柚子柿卷直到最后，都仲有惊喜，豆腐雪糕嘅豆腐喺十二分浓郁，口感柔滑富奶香，而伴碟嘅柚子柿卷喺日本农民婆婆嘅手作嘢，口感软软腍腍，柿味清甜，真正为今餐有个完美作结。本应，仲包一杯咖啡，但都已经好饱，同埋，今朝早餐、晏昼，都饮咗两杯，用晒是日嘅配额喇！
豆腐雪糕配柚子柿卷
14 浏览
0 赞好
0 留言
张贴
