牛気 (東薈城名店倉)

营业中

休息中

东涌喺我心目中一直都系美食沙漠，感觉上餐厅嘅选择唔多。喺东荟城行完outlet，顺路就入左去坐低打个边炉。今次拣咗佢最贵嘅套餐，日本九州产黑毛和牛牛+海鲜放题，原价$698，即场下载佢个app做会员，最后埋单一个人$583。呢个餐基本上包晒所有唔同等级嘅牛，但当然主力就系会食呢个餐独有嘅九州产黑毛和牛。第一盘肉上到嚟已经好吸引，和牛嘅脂肪比例比较高，入口即溶。之后再落单嘅几round和牛都维持到水准。👍除咗牛肉之外，都有唔少海鲜嘅选择，例如有松叶蟹脚、原只鲍鱼呢啲系出边比较少见嘅海鲜火锅配料，亦都有三文鱼刺身供应。除咗落单嘅食物之外，自助吧亦都有唔同既蔬菜类火锅配料同熟食可以拎，款式选择都算多。