三日月

营业中

休息中

今日我去咗尖沙咀一间楼上嘅铁板餐厅，食咗个澳洲龙虾同美国Prime肉眼薄烧嘅9道菜午市套餐，真系超级满足！一坐低，餐厅环境几靓，气氛又轻松，啱啱好适合放松。呢个套餐包咗前菜、沙律、茶碗蒸、铁板烧日本椰菜、鲜活澳洲龙虾、铁板炒饭、龙虾味噌汤同埋甜品，好丰富！首先上嚟嘅前菜有三样，分别系茄子、鲜鸡肉片同埋带子裙边。茄子煮得软滑，搭配上酱汁，味道好入味；鲜鸡肉片则鲜嫩，肉质滑口，带子裙边就更加惊喜，鲜味十足，系开胃之选😋😋😋然后上嚟嘅沙律，沙律新鲜，清爽可口，搭配嘅酱汁唔会过于重口味，正好中和返前菜嘅浓郁。接下来就系茶碗蒸，茶碗蒸滑滑地，上面有鲣鱼汁，入面有木耳丝，唔会太咸！铁板烧日本椰菜上嚟时，保持咗脆口感，搭配少量嘅酱汁，味道清新，真系好好味。然后就系我最期待嘅鲜活澳洲龙虾，龙虾一上嚟就令人眼前一亮，色泽金黄，香气扑鼻，肉质鲜甜，根本冇得输，真系一个好享受！再者，铁板炒饭上嚟，粒粒分明，里面有好多樱花虾同葱花，炒得香喷喷，特别系可以分两次食，先食一半，另一半再加铿鱼汤食，更加好味，真系一个好搭配！最后，甜品方面有红豆和果子整体来讲，以呢个价钱，呢间餐厅真系值得一试！我肯定会再返嚟！