豐信餃子店

营业中

休息中

今次已经系第二次encore，之前一直好忙，所以都冇时间去食，因为无论晏昼定系夜晚佢都都系排长龙今次叫咗个云耳椰菜饺，椰菜爽甜云耳好有咬口，不得不赞系佢啲猪肉馅鲜甜美味。冇乜肥肉，打得好实。每一只都系胀卜卜其实两个人分两碗七只已经好饱，可以再加少少小食，不过如果男仔大食啲就可以加个面！个汤系老火汤，所以连埋啲面食都好好味。第二款饺子系我最挂住嘅芝士粟米肉饺，之前喺其他地方食过，第一冇佢咁足料，第二芝士冇佢多！第三系俾佢贵，所以我有乜可能唔挂住快啲开多啲分店！小食叫咗皮蛋同埋牛腱，皮蛋甜甜地，不过虽然佢叫凉拌皮蛋其实系冇辣味。牛腱都OK如果腍少少就更好希望老板睇到呢度快啲开分店，唔该 ！