大邊爐火鍋店

营业中

休息中

今日家姐带我去食打边炉、咁啱我哋喺九龙城𠮶边唱完K、佢又带我去食好嘢啦、佢有讲呢间啲大桶蚝好正、除咗好新鲜仲要一啲腥味都冇！佢咁推荐我、咁我就一定要食吓啦！呢间餐厅非常之近宋王台地铁站、直行转弯大概三4分钟就到啦！餐厅系要行楼梯上去一楼门口喺地下！餐厅环境都算宽阔座位都舒服！精致中国风装修！餐厅亦提供餐前小食、有特制萝卜胡萝卜同埋青瓜，味道都非常之香甘甜！另外调味料亦非常丰富，有特制沙嗲酱、仲有特制辣椒油、打边炉配上一流！当然仲有基本蒜蓉香葱、辣椒🌶️第一round先叫咗羊肉、同新鲜桶蚝、羊肉一啲都唔苏、桶蚝真系好新鲜好甜！再加上羊肉好鲜嫩！块块都充满肉汁之后我哋再叫咗山水豆腐同埋3秒腐皮、呢两个一定要食山水豆腐非常之滑、另外3秒腐皮非常之嫩！吸晒落啲汤汁度超正！再加上非常之开胃！当然唔少啦，仲有菜蔬皇帝菜、同埋粟米之后再叫咗个手打乌冬都好好食，好唔错！餐厅位于九龙城城南道10号要行一层楼梯上去、个名叫做大边炉火锅店！