蟹仙海鮮蒸氣鍋 (龍崗道)

营业中

休息中

食材超級優質。服務態度都好好👍🏻好細心。侍應姐姐會分批幫你蒸海鮮，招呼周到，朋友聚會🤗正。全晚都好寫意。佢哋嘅海鮮全部都由海外訂購。而且清洗得好乾淨，食得好安心。好高質👍🏻👍🏻👍🏻「專貴海鮮套餐」😋😋😋 共10款。好豐富。野生膏蟹🦀蟹膏甘甜香滑😋蟹肉新鮮彈牙。齒頰留香。韓國釜山鰻魚鰻魚肉肥美，新鮮爽滑，充滿魚油，超正!🦞澳洲青年龍蝦。加拿大野生海虎蝦🦐龍蝦＆海虎蝦都係大大隻啖啖肉。肉質鮮甜結實彈牙。蝦味香濃。台灣九孔鮑魚好大隻，而且都好新鮮彈牙。大西洋野生青口脹卜卜野生青口。未煮前仲見到佢唞氣。真係好新鮮😌韓國釜山珍珠蠔大大隻，脹卜卜。鮮甜美味。蟹黃大元貝（超級推介）原本已經好大隻，再加上埋上面有廚師秘製嘅蟹膏。口感豐富😉 美味鮮甜。簡直係絕配。😋有機蔬菜籃🍀蔬菜碧綠新鮮份量十足，而且蒸完配合海鮮汁更加清甜美味。最後嘅粥底吸收晒海鮮精華。好正。而且Menu仲有好多其他選擇，相信都好出色。餐廳樓上亦都有房，環境舒適位置寬敞又有私隱度絕對啱晒大型聚會。好難得香港可以搵到一個咁舒服咁正👍🏻嘅家庭朋友聚會開餐地方，極力推介。