蟹仙海鮮蒸氣鍋 (龍崗道)

营业中

休息中

九龍城呢間海鮮蒸氣鍋有好多明星黎食過，所以我同朋友都去試下，叫咗個每位$419嘅set，海鮮每日由唔同地方運到，高質而且好夠飽！⭐秘製原隻南非乾鮑呢款係前菜，鮑魚煮得軟腍，鮑汁滲透，濃香入味，質感一流。仲有粒大冬菇，完全索哂鮑汁嘅鮮味。⭐加拿大野生海虎蝦蝦肉爽而彈牙，蝦頭仲有少少膏。⭐韓國釜山野生鰻魚蒸得啱啱好，食落爽口而且冇骨。⭐黃金翡翠螺蒸氣帶出螺肉嘅鮮甜，有嚼勁，跟職員建議點刺身豉油同wasabi食，鮮味更加突出。⭐蟹皇大元貝肉厚鮮甜，入口滿滿海鮮甜香。⭐韓國釜山蠔蒸氣輕煮，蠔肉保持creamy，海水味濃，鮮到爆。⭐大西洋野生青口青口肉質好嫩，食到海水嘅味道，唔駛點醬汁都好夠味。⭐野生琵琶龍蝦第一次試呢款海鮮，肉質彈牙，味道比平時食開嘅龍蝦更鮮甜。⭐野生奄仔蟹來自菲律賓未交配過嘅奄仔蟹，超多蟹膏，蒸氣煮法留住蟹膏濃香，鮮味突出，肉質嫩滑好食。⭐有機蔬菜籃蒸氣煮得蔬菜嫩綠，清新解膩，保留自然甜味。⭐海鮮粥用蒸氣海鮮嘅精華熬粥，特別鮮甜，加埋蔥花同葱菜落去，味道層次更加提升。整體黎講，呢餐嘅海鮮好新鮮，蒸煮方式鎖住原味，每道菜都鮮甜可口，值得推介！

放工與同事相約九龍城尋味，踏入「蟹仙海鮮蒸氣鍋」，撲面而嚟嘅係海洋嘅氣息，因為呢度主打食海鮮蒸鍋。呢間街坊小店藏著驚喜——以蒸鍋鎖住最純粹嘅海鮮甜味，十款環球海鮮輪住上陣，人均四百嘅價位竟然食得出高級品質。 先以秘製南非乾鮑做前菜，鮑魚口感彈韌如，醬汁微微鹹香，絶無掩蓋本身嘅鮮味，調味恰到好處。重頭戲係野生奄仔蟹，開半即見金黃流沙，蟹膏豐腴如奶黃醬，蟹肉飽滿彈牙，自帶海水甘甜，完全唔需要添加調味，我同同事瞬間靜默，忙於拆殼吮指。更意外嘅係琵琶蝦，蝦肉飽滿似龍蝦，價位卻親民得多，性價比之王當之無愧。 釜山鰻魚，皮滑肉彈，魚油香氣隨蒸氣竄升，蘸少少芥茉豉油如點睛。加拿大海虎蝦：蝦頭藏琥珀色蝦腦，甜度直逼舌尖，蝦肉鮮甜爽口，一隻真係太少；（當然你可以加錢再叫嘅…）韓國釜山蠔：又大又肥美，連埋啲蠔汁入口時，蒜蓉蔥油僅是配角。甲殼類大軍壓境～～紐西蘭刀貝爽脆，大西洋野生青口肉逆先甜彈牙。蟹黃醬大元貝配上店家秘製蟹黃醬，鹹鮮加倍，無需調味已夠吸引。 高潮過後，雜菜盤適時登場。甜粟米爽甜爆汁，娃娃菜清甜，中和滿桌濃郁。壓軸海鮮粥非同凡響，芋頭綿密，配著排骨肉香，每粒米都吸飽十種海鮮精華，暖胃程

同朋友仔去九龍城食海鮮蒸氣石鍋我地揀左個尊貴海鮮套餐呢個套餐總共有十款野食石鍋入面已經放左米飯上面蒸海鮮，下面煮粥掛係上面既藤帽原來係用黎做煲蓋前菜係秘製原隻南非乾鮑鮑魚煮得好軟熟之後就係海鮮拼盤加拿大野生海虎蝦蝦肉好彈牙韓國釜山野生鰻魚肉質好軟嫩仲有大西洋野生青口，韓國釜山蠔黃金翡翠螺，蟹皇大元貝海鮮每日新鮮到港一定係新鮮好食職員仲會幫我地蒸每一款海鮮好多款海鮮都蒸得好好食另外點左盤刺身有加拿大野生赤蝦同冰鎮韓國北寄貝呢個刺身拼盤仲會點埋煙火食個刺身都整到好鬼靚最後就係蒸澳洲青年龍蝦同野生膏仔蟹老闆仲教我地食龍蝦係尾部既角位就可以挑到成個蝦肉出黎食我地仲點左支處女座乾白葡萄酒呢支酒有優雅同清爽既口感咁岩同我既星座一樣蒸完所有海鮮之後就係食鍋內既粥呢鍋粥吸收左好多海鮮既精華勁好食又入味呢餐真係好抵食又好豐富

同朋友去食蒸氣鍋，一入座就俾琵琶龍蝦搶晒鏡，肉質彈牙到「嗦嗦」聲，鮮甜到似即捕即食！跟住上枱嘅加拿大虎蝦都唔輸蝕，爽口彈牙，簡單蒸已經鮮味爆棚。翡翠螺蘸蒜蓉醬真係無得頂！蒜香吊出螺肉嘅甜，一隻接一隻停唔到口～青口肥嘟嘟，海水鮮味喺口腔炸開！重頭戲梗係野生膏仔蟹！蟹膏多到瀉，鮮甜濃郁，啖啖都係精華！蟹黃元貝更加癲，元貝上面鋪滿金黃蟹膏，鮮味×2！壓軸係南非乾鮑，軟嫩得嚟有咬口，鮑魚香濃到黏脷！最後用有機菜籃清一清味蕾，菜甜湯更甜！

第一次喺出面食海鮮粥底火鍋，$418/位，基本上食到8款海鮮，成個過程都會有職員幫手協助，平均每款海鮮撳掣蒸約五分鐘當晚食嘅奄仔蟹係更加係稀有綠膏蟹，雖然蟹膏冇咁香甜不過入口回甘，蟹肉嘅質地亦都好鮮甜，餐廳預先幫手起曬內臟，食起嚟到好方便釜山野生鰻魚成日喺韓燒店聽得多，估唔到口感真咁正，外皮膠質黏口，肉質好似鱔肉咁爽彈另外兩款龍蝦入面揀咗野生琵琶，職員話比起澳洲青年龍蝦係更加鮮甜，果然後韻會持續係口腔其餘韓國生蠔/大元貝/青口/翡翠螺/海虎蝦都一樣咁新鮮，而且咁大嘅size平時喺街市裏面係買唔到最後嘅粥底索曬海鮮嘅精華，加上本身有芋頭粟米喺裏面，令到成個鍋底更加綿最估唔到喺仲送埋椰汁燕窩做甜品，燕窩嘅份量仲超過一匙羹

蒸氣火鍋：海鮮控天堂！野生膏仔蟹蒸完爆膏，蟹黃多到漏，鮮到舔手指；韓國鰻魚肥嘟嘟，魚油香噴噴，入口即化超滿足。琵琶龍蝦肉質彈牙，鮮甜到震；南非乾鮑軟嫩有嚼勁，鮑魚香超濃郁。大西洋青口海水味爆棚；加拿大虎蝦蝦頭滿膏，肉質爽甜；釜山蠔一咬爆汁，奶油般滑嫩；翡翠螺蘸蒜蓉醬超惹味；蟹黃元貝鋪滿蟹黃，鮮味double up！最後蒸有機菜籃，吸盡海鮮精華，清甜到唔捨得飲埋個湯底！簡單蒸就鮮到癲，食完仲回味緊～

去到先知原來旗艦店比其他分店平少少，而海鮮拼盤嘅選擇都係會根據返當日返貨而決定當晚好好彩，食嘅奄仔蟹係屬於稀有綠膏蟹，入口比黃蟹膏有回甘，職員仲話好難得，遇到就要買六合彩😂釜山野生鰻魚同野生琵琶龍蝦個人認為係全晚MVP，鰻魚極度厚肉，肉質爽彈，外皮膠質黏口程度係會漿住個嘴😍 唔知都以為食緊花膠豬手琵琶龍蝦雖然唔係好大隻，但係肉質好鮮甜，後韻會持續係口腔大元貝面層秘製嘅蟹膏醬係餐廳用咗3款唔同嘅蟹膏製成，有少少次鹹蛋黃炒到起沙嘅口感初初都擔心淨係食海鮮會唔夠飽，但係食到最後粥底都有兩碗份量，而且仲送埋椰汁燕窩做甜品，都有啲飽到上心口😂職員仲話老闆批發咗30年海鮮，全部貨都係親自挑選直接空運到港，保證新鮮👍🏾

今日同家姐經過九龍城，發現到呢間海鮮蒸鍋店，作為海鮮控梗係要入去試吓啦！Ps:店員好熱情招呼●秘製原隻南飛乾鮑個人最欣賞醬汁，調味恰到好處，鮑魚亦都好煙韌●加拿大野生海虎蝦爽甜彈牙●黃金翡翠螺超級厚實同彈牙，店員姨姨叫我哋配wasabi食超級夾！●韓國釜山野生鰻魚好厚肉而且新鮮，自己本身唔係魚控都覺得好食！●韓國釜山蠔一啖咬落去，食得出海水嘅鹹鮮和蠔肉嘅清甜，係至愛！●蟹黃大元貝肉質q彈，鮮嫩多汁！●大西洋野生青口因為係清蒸所以鎖住咗原汁原味，好大隻之餘鮮甜而且有海水味●澳洲青年龍蝦肉質彈嫩鮮甜，而且好大隻好厚肉，上面仲要有蝦膏，超級正！●野生奄仔蟹蟹殼一剝開即刻可以見到超多金黃色嘅蟹膏，蟹肉都好鮮甜，家姐鐘意食蟹所以讚不絕口！●粥底食咗好多海鮮同蔬菜之後，就可以嘆埋個粥🥣因為吸收曬所有海鮮嘅精華，超級無敵鮮甜！入面亦有粟米、排骨同埋芋頭～●椰汁燉雪燕除咗海鮮，雪燕亦都好吸引！每一啖都超滿足，透心涼～

今次我嚟到一間專注海鮮嘅餐廳，聽聞佢哋嘅海鮮每日都新鮮運到，通過簡單既蒸煮已經好出色，真係好期待！⭐️ 秘製原隻南非乾鮑（熟食）呢個乾鮑味道濃郁，口感柔韌，經過餐廳秘製烹調後，香氣四溢。聽講乾鮑嘅製作過程非常繁複，需要長時間嘅浸發同埋烹煮，才能夠達到最佳嘅口感同埋味道，真係一個奢華的開胃菜！⭐️野生奄仔蟹香港人出名鍾意食蟹 ，呢度嘅野生奄仔蟹蟹肉鮮嫩，甜美可口，每一口都充滿海洋嘅鮮味。據說，奄仔蟹嘅蟹膏特別豐富，味道濃郁，真係海鮮愛好者嘅心頭好！🦀⭐️ 韓國釜山野生鰻魚鰻魚肉質滑嫩，燒至外焦內嫩，搭配特製醬汁，味道香濃，令人回味無窮。韓國釜山嘅鰻魚以肉質鮮美見稱，而且營養價值高，真係一個健康又美味嘅選擇！🐟⭐️ 琵琶龍蝦這道琵琶龍蝦鮮美多汁，肉質彈牙，簡單調味就能展現出海鮮的天然風味，令人一試成主顧！據網上資料，琵琶龍蝦嘅外型獨特，肉質比一般龍蝦更為細膩，真係海鮮中嘅極品！🦞⭐️ 大西洋野生青口青口肉質鮮甜，湯汁清香，搭配新鮮調味，食落去好滿足，真係一個不錯的選擇！聽講，大西洋嘅青口生長環境優越，肉質特別肥美，而且含有豐富嘅營養價值！🦪⭐️ 加拿大野生海虎蝦海虎蝦肉質厚實，肉質鮮甜，煮法簡單卻能保

成日心思思想食海鮮，而蟹仙一直都想試，終於的起心肝過嚟九龍城點咗尊貴套餐，大大盤二人份新鮮野生海鮮，色澤吸引元貝好特別，鋪滿自製嘅蟹皇醬，食落鮮味更突出蒸鰻魚都係第一次食，食法幾特別幾新鮮，肉質夠晒實淨大大隻珍寶蠔，海水味濃郁，食嚟又肥又嫩滑螺肉大大粒，爽口彈牙重頭戲，蟹肉一絲絲好新鮮，啖啖蟹肉好過癮，仲有滿滿嘅蟹膏，其餘嘅海鮮仲有青口、琵琶龍蝦同鮮蝦，款款都高質一坐低就奉送鮑魚，口感同調味又唔錯喎仲有新鮮蔬菜，嫩綠鮮甜粥底一邊蒸海鮮一邊熬，海鮮味特別濃郁，加埋香蔥、菜甫、排骨特等，味道豐富甜品仲有椰汁燕窩，滋補養顏蟹仙服務好好，店員會幫手蒸晒啲海鮮同逐款介紹，食同坐都舒舒服服，好嘆嘅一個晚上

今晚終於嚟到期待已久嘅蒸海鮮大餐，特登過九龍城蟹仙，完全冇令人失望一入座就送咗份冬菇鮑鮑，爽口彈牙一大盤野生海鮮排得好精美，填相吸引全部都係新鮮野生海鮮，店員服務好好，全程逐樣介紹逐樣睇時間幫手蒸上埋碟，鮮味十足，其中韓國釜山鰻魚同琵琶龍蝦令人印象最深刻，鮮甜爽口，珍珠蠔同樣來自韓國釜山，又大又肥美，電貝上面嘅蟹皇醬係店家自製，提味一流最尾仲有蔬菜同大大煲吸收晒海鮮精華嘅粥底，口感綿密，味道鮮甜今晚嚟試呢個尊貴餐，仲有好多其他唔同價位嘅餐同其他食材同小食可以揀，已經期待緊下次再嚟

尋晚我同老公去咗九龍城蟹仙食「尊貴海鮮套餐」，真係一個好正嘅海鮮盛宴。套餐原價$898，宜家每位$419，高達五折優惠，性價比真心唔錯。餐廳環境好貼地，街坊小店格局，服務員又好有禮貌，全程幫我哋煮哂啲海鮮，我哋成晚好似食殘廢餐咁，好爽。首先係韓國釜山野生鰻魚，魚肉肥美嫩滑，火喉啱啱好，內裏仲保留到魚汁嘅鮮甜。如果你是魚控，呢道菜絕對會令你滿足！加拿大野生海虎蝦同樣出色，蝦肉爽口彈牙，鮮甜味美，簡單清蒸已經好夠滋味。韓國釜山蠔就稍為普通，我個人比較鍾意台山蠔嘅品種，覺得味道同口感會更濃郁。跟住嘅秘製原隻南非乾鮑就略為失色。鮑魚醬汁都幾香，但可能煮得太耐，口感有啲靭，咬落去唔係咁軟滑，略為失望。相比之下，大西洋野生青口就好驚喜，鮮甜得黎有濃濃嘅海水味，每一隻都好飽滿，食完真係有種置身海邊嘅感覺。黃金翡翠螺同蟹皇大元貝都好有驚喜，尤其是元貝用咗店家秘製蟹黃醬，味道濃郁得黎唔會過膩，令人回味。有機蔬菜籃就中規中矩，勝在新鮮清甜，平衡咗成餐海鮮嘅濃味。澳洲龍蝦同樣係高質，端上枱時仲見到佢郁緊，新鮮程度毋庸置疑。龍蝦肉質彈牙，入口有陣陣海水味，配上店家嘅蒜蓉汁，食到我哋停唔到口。講吓套餐嘅主角——

雖然未到最當造食蟹嘅季子節，但突然好想食蟹所以去咗九龍城食蟹仙尊貴海鮮套餐有秘製南非乾鮑、加拿大海虎蝦、韓國釜山鰻魚、黃金翡翠螺、韓國釜山蠔、澳洲青年龍蝦、奄仔蟹、豬骨粥同椰汁燉雪燕餐廳好貼心，每樣海鮮都由職員幫手蒸煮，全程食”殘費餐”秘製南非乾鮑炆得好入味海虎蝦同翡翠海螺都幾大隻，蝦肉結實同彈牙；翡翠螺爽口得黎又幾嫩滑，肉質唔會韌，職員教路切開海螺點wasabi食又真係好味d韓國釜山鰻魚好厚肉，啲肉質係勁有彈性同埋幾滑同鮮甜扇貝同生蠔都好新鮮，上面落左餐廳自家製嘅蟹皇醬，味道提升左，同平時街食嘅淨係得蒜蓉味嘅唔同新鮮野生青口，食落去好重海水味 澳洲青年龍蝦，即劏即蒸所以好新鮮，肉質真係超級彈牙同鮮甜！好好味主角奄仔蟹，隻蟹爆晒膏，勁香濃，聽店員講佢哋老細係做海鮮批發，d蟹係由海外嘅蟹場直接來貨，所以特別肥美多膏食埋蔬菜拼盤、豬骨粥同埋椰汁官燕好滿足

蟹仙主打新鮮海鮮，見到海鮮拼盤嘅時候勁開心，聽店員講老細係海鮮買手做咗好多年，將最頂級嘅食材留返俾食客秘製南非乾鮑隻鮑魚炆得勁入味，食落去仲有糖心嘅口感超正。加拿大海虎蝦隻虎蝦勁新鮮，蝦肉爽滑彈牙，食落去勁甜韓國釜山鰻魚鰻魚好少食到咁新鮮，新鮮鰻魚真係好好食黃金翡翠螺翡翠螺好彈牙配埋佢個Wasabi豉油勁夾蟹皇醬青口 蟹皇醬扇貝青口同扇貝都蒸得啱啱好，食落去好滑身同埋好濃嘅海鮮味韓國釜山蠔生蠔勁大隻，食落去好重蠔味澳洲青年龍蝦隻龍蝦勁鮮甜，啲肉好結實一疏疏勁新鮮，龍蝦嘅鮮甜真係冇其他蝦可以取代，真係超級正。奄仔蟹見到隻蟹身爆膏勁開心，食落去啲蟹膏有甘香味，好食到舔舔脷。豬骨粥個粥底入面有豬骨、粟米、芋頭再吸收埋之前嘅海鮮鮮味，每啖粥食落去都充滿海鮮精華超級好食。椰燉雪燕勁香椰汁味同埋入面勁多燕窩食落去好滑口。