瀛鍋

营业中

休息中

今日同朋友去开九龙城个头，平时嚟九龙城好自然就会谂起泰国餐厅，而今次我哋比热情嘅职员喺餐厅外面嘅招徕吸引咗，嚟咗呢一间叫「瀛锅」嘅海鲜火锅店打边炉。餐厅有两层，下层座位阔落，充满空间感，特别之处系竟然有一个好大又好多玩具嘅儿童玩乐区，一班爸妈喺度打边炉叙旧嘅时候，小朋友亦都可以喺隔离呢一个亲子区入面玩，喺而家租金咁贵嘅香港竟然有一间餐厅会拨咁大个空间出嚟做玩乐区而唔系座位，真系好少见。二楼有好多间包厢，四人、六人、八人、十二人，甚至系廿几人嘅聚会，都有相应嘅包厢，充满私隐度。我哋嗌咗椒盐三文鱼骨腩、原条深海石蚌鱼刺身、瑶柱滋补润肺白肺锅、鲜虾水饺皇、正脆鲩鱼腩、手打四宝丸同娃娃菜。适逢餐厅开业14周年，系10/4-31/5期间晚上六时后光顾堂食，就可以一人送一只冰镇南非鲍鱼，鲍鱼都几大只，咬落去爽口弹牙，味道鲜甜，喺一道唔错嘅开胃菜；椒盐三文鱼骨腩每一件都唔会切到好大嚿，炸到鱼皮外脆而鱼肉内嫩，椒盐嘅味道亦都啱啱好唔会太辣但又好惹味；原条深海石蚌鱼刺身一上枱已经好惊艳，卖相非常吸引，睇得出师傅刀工好好，每一片都好薄身，口感爽口，食材新鲜，配搭酸汁一齐食可以提升出佢嘅鲜味；瑶柱滋补润肺白