潮州合成甜品

营业中

休息中

要食合成一定要等天气冻因为我最钟意食佢啲清心丸，觉得热食系最好味嘅！打完边炉特登过嚟食润番吓，我哋要咗： 潮州绿豆边清心丸：清心丸仍然好烟靱弹牙， 淡淡嘅甜味可以比我更细心咁欣赏佢；绿豆边份量好多好够，唔会煲到稔晒冇得咬，食完好饱！ 莲子马蹄沙清心丸：莲子味道甜蜜而质感松化，入口即溶，我估啲莲子系先用糖煲或者佢系用咗糖莲子，不过老公话比我听新鲜的莲子是甜的！呢个甜品因为有马蹄所以仲爽啲，蛋花亦有蛋香，味道配搭唔错！每年冬天会嚟多啲食甜品！