丸亀製麵 (淘大商場) (已結業)

淘大自助日式乌冬餐！喺亲戚屋企拜年之后，逛下淘大商场，原来都有唔少餐厅选择。起初被下午茶餐吸引左入去，点知假日原来冇下午茶食，结果我哋叫餐牌上嘅乌冬，都唔错。成间餐厅都系自助形式，自己量体温、填个人资料入箱、自己揾位、点餐、攞野食攞水、摆碗碟走，有少少去咗日本食嘢嘅感觉。蕃茄牛肉乌冬(中)$49- 蕃茄汤好重蕃茄汁味，乌冬口感弹牙，中碗份量都几多，唔知大碗会再大几多。炭烧鸡肉拌乌冬$46- 炭烧鸡肉要等耐少少，出到嚟原来系唔系炭烧而系炸，比较热气。我自己加左七味粉同炸天妇罗粉，酱油拌乌冬唔错，不过应该有落味精。温泉蛋自己爆左，蛋黄汁捞乌冬一齐食好正！腐皮$6- 推介！我平时好中意食腐皮寿司，呢度腐皮$6有两块，我中意佢厚切令层次丰富左，同平时食嘅唔一样，索满甜甜地嘅酱油味道！