洪家手作 洪瑞珍三明治 (已結業)

5月18号晚上，路经观塘开源道，惊见洪瑞珍三文治喺香港出现，望真啲原来系话自己系洪瑞珍家族喺香港开嘅三文治店，话自己系洪二代嘅洪家手作。其实我又唔介意佢讲嘅系真定假，只要系由台湾直接入口原材料做嘅三文治，我都有兴趣试吓，所以就决定帮衬。见到佢总共有八款口味，每件$22 ，买满六件就$20 ，所以就索性买齐八款口味，谂住第二朝同同事开心share。其实食落味道都正常，都系有奶油忌廉再搽果酱或者夹一块芝士火腿之类咁，大家都觉得几好味。点知喺当日下午开始，大家就开始觉得有点肚痛，同埋开始有啲肚泻嘅症状，开头都不以为意，点知过得一两日大家都未止泻，仲有同事发埋烧添，过两日就见到新闻话呢间无牌食物制造工场嘅出品搞到好多人食物中毒，真系嬲到震😡😡😡就系咁，我哋呢班打工仔就要集体请病假，前前后后搞左6-8日，我哋嘅肠道先开始回复正常，真系人都癫！其实最嬲系佢喺佢嘅社交平台专页毫无悔意，仲话系因为疫情搞到政府迟迟未批出佢嘅食物牌照，真系离晒谱，咁搞法想再有人帮衬佢都几难🤬🤬