影片
更多
2021-04-14
1064 浏览
长洲最出名嘅芒果糯米糍，依家香港差唔多周围都有得卖，但我觉得最好食都系喺长洲食，今次介绍呢间系我次次买芒果糯米糍都系呢间，放假晏昼甚至会见到人龙，因为大家临上船就会去呢到买。虽然店舖位置系喺巷仔入边，但系人流一啲都唔小，码头行过去大概要5分钟，只要系甘永泰嘅左手边巷仔一路向前行就会见到。-1️⃣ 芒果糯米糍 💰15（👅: 7.5/10）糯米糍食落几烟韧，皮唔会话太厚，不过糯米味就唔太食到，食落唔痴牙，湿润度都够，糯米糍大小正常，但好似比平记细一啲。如果糯米卖晒会变做紫糯米嘅皮，都可以特登拣紫糯米皮嘅芒果糯米糍。芒果虽然唔系当做，但食落都唔会太酸，几甜下，芒果果肉分量足够，识落芒果汁都多。-⭐ 除咗芒果糯米糍，其他嘅芒果甜品都好人气，好似杨枝甘露、芒果肠粉、芒果冻奶等。糯米糍嘅皮唔算厚，不过对比起元朗嘅糯米糍一定冇佢咁薄，卖点系入边嘅芒果份量足够同多汁，都系好适合买返去做屋企人手信。另外一提芒果糯米糍系冇堂食得外卖，如果买两个只会比个袋你，买四个佢就预先有盒包实比你。-👅味道: 7.5/10🍴环境: 7/10💰消费: $15 (服务费: NA)
长洲最出名嘅芒果糯米糍，依家香港差唔多周围都有得卖，但我觉得最好食都系喺长洲食，今次介绍呢间系我次次买芒果糯米糍都系呢间，放假晏昼甚至会见到人龙，因为大家临上船就会去呢到买。
虽然店舖位置系喺巷仔入边，但系人流一啲都唔小，码头行过去大概要5分钟，只要系甘永泰嘅左手边巷仔一路向前行就会见到。
-
1️⃣ 芒果糯米糍 💰15（👅: 7.5/10）
芒果糯米糍
$15
11 浏览
1 赞好
0 留言
糯米糍食落几烟韧，皮唔会话太厚，不过糯米味就唔太食到，食落唔痴牙，湿润度都够，糯米糍大小正常，但好似比平记细一啲。如果糯米卖晒会变做紫糯米嘅皮，都可以特登拣紫糯米皮嘅芒果糯米糍。
芒果糯米糍
$15
17 浏览
2 赞好
0 留言
芒果虽然唔系当做，但食落都唔会太酸，几甜下，芒果果肉分量足够，识落芒果汁都多。
-
⭐ 除咗芒果糯米糍，其他嘅芒果甜品都好人气，好似杨枝甘露、芒果肠粉、芒果冻奶等。糯米糍嘅皮唔算厚，不过对比起元朗嘅糯米糍一定冇佢咁薄，卖点系入边嘅芒果份量足够同多汁，都系好适合买返去做屋企人手信。另外一提芒果糯米糍系冇堂食得外卖，如果买两个只会比个袋你，买四个佢就预先有盒包实比你。
-
👅味道: 7.5/10
🍴环境: 7/10
💰消费: $15 (服务费: NA)
张贴
