龍華酒店 (下禾輋)

营业中

休息中

由沙田搭火车到去火炭，成日会睇到龙华大大嘅招牌，烧乳鸽算系佢地嘅招牌菜。我地都成为咗龙华嘅回头客，今日就介绍下佢地嘅烧乳鸽龙华脆皮烧乳鸽 $108/1只我地试过嗌斩件同原只上，原只会保留到多d肉汁，但系会好烫手，食起黎就要俾多d耐性，斩开一件件就会易食d，但个人钟意原只上。乳鸽嘅皮烧得香口，少少脆，偏烟韧多汁，唔算非常脆嘅type。而肉身无论系鸽脾定鸽胸，都系嫩滑嘅，不会鞋，呢个就系我超钟意食乳鸽嘅原因，基本正正常常整出黎都会又嫩又滑。价钱方面我会觉得少贵，但系香港地想坐低食只好食嘅烧乳鸽算系咁。地方较隔摄，不过有google map都冇难度其他𩠌菜都系普通中式嘅味道啦😬不过服务就麻麻啦，等位入庭嗌野食都十问九唔应架。