利寶閣 (已結業)

放工同朋友食晚饭，刚好喺上环附近，见就脚就嚟到呢一度。晚市人唔算太多，服务超好，未行到门口已经say hello 晚市小菜特价选择都几多，点左呢个唔记得系＄28只定系＄38只嘅乳鸽。两个价钱都好抵，曾经喺其他酒楼都叫过呢啲特价乳鸽食落又鞋口又唔脆，不过我有食乳鸽瘾。点样都试吓先！意想唔到乳鸽即叫即烧香脆外皮配上肉质鲜嫩而且唔会太厚嘅肉，净系呢一个𩠌已经觉得好值票价。同朋友一人一只已经饱饱地。再叫咗个面食完先发现唔记得影相，仲点左呢个白木耳浸菜苗，本身呢系只有白菜仔可以选择，但侍应姐姐见我好似唔系好喜欢，所以呢话其实转菜心仔都得㗎。上枱时咁睇以为系花胶，哗，原来系爽脆嘅白木耳，白雪雪而且有厚感。食落好爽脆，汤底呢都香浓。其实呢个𩠌先至讲紧＄90左右，相信下次喺呢附近收工一定会再过嚟食。坐定定一人食几只乳鸽，真系好正！！附近晚市选择唔多，估唔到比我发掘左呢间好嘢。